நடிகர் Ravi Mohan உடனான தொடர்பு குறித்து எழுந்த சர்ச்சைகளுக்கு பதிலளித்த பாடகி Keneesha Francis தனது வாழ்க்கையில் சந்தித்த பல வேதனையான அனுபவங்களையும் வெளிப்படையாக பகிர்ந்துள்ளார்.
தமிழ் சினிமாவில் Jayam திரைப்படத்தின் மூலம் நடிகராக அறிமுகமான ரவி மோகன், பின்னர் பல படங்களில் நடித்துத் தனக்கென ஒரு இடத்தை உருவாக்கினார். தற்போது அவர் நடித்துள்ள “கராத்தே பாபு” திரைப்படம் வெளியாக தயாராக உள்ளது. இதற்கிடையில் கடந்த ஆண்டு தனது மனைவி Aarthi Raviயுடன் பிரிவதாக ரவி மோகன் அறிவித்தது பெரும் பேசுபொருளாக இருந்தது. அதன்பிறகு, ரவி மோகனும் கெனிஷாவும் சில நிகழ்ச்சிகளில் ஒன்றாகக் காணப்பட்டதால் சமூக வலைதளங்களில் பல்வேறு கருத்துகள் பரவின.
இந்த நிலையில் கெனிஷா தனது விளக்கத்தில், வாழ்க்கையில் சிறுவயதிலேயே பல துன்பங்களை சந்தித்ததாக கூறினார். 4-ஆம் வகுப்பு படிக்கும் வயதில் உறவினர்களால் துன்புறுத்தப்பட்டதாகவும், 18 வயதில் புரிதல் இல்லாமல் திருமணம் செய்து வைக்கப்பட்டதாகவும் அவர் தெரிவித்தார். திருமண வாழ்க்கையும் நீண்ட காலம் நீடிக்கவில்லை என்றும் கூறினார். அந்த காலத்தில் ஏற்பட்ட உடல் மற்றும் மன வேதனைகள் தனது வாழ்க்கையை மிகவும் பாதித்ததாகவும் அவர் பகிர்ந்தார்.
அதன்பின் வாழ்க்கையை மீண்டும் தொடங்க வேண்டும் என்ற எண்ணத்துடன் பாடல் உலகில் பயணம் ஆரம்பித்ததாக கெனிஷா கூறினார். ஆரம்பத்தில் சிறிய மேடைகளில் பாடி, பின்னர் பெரிய இசை நிகழ்ச்சிகளில் பாடும் வாய்ப்பு கிடைத்ததாகவும் தெரிவித்தார்.
மேலும் ரவி மோகன் குறித்து பேசும்போது, அவர் கடினமான மனநிலையிலிருந்த காலத்தில் ஒரு நண்பராக ஆலோசனை வழங்கியதைத்தவிர வேறு எதுவும் இல்லை என்று கெனிஷா விளக்கம் அளித்தார். தன்னை குற்றம் சாட்டுவது தவறு என்றும், மக்கள் உண்மையான சமூக பிரச்சினைகள் குறித்து கவனம் செலுத்த வேண்டும் என்றும் அவர் தெரிவித்தார்.