அதிமுக பொதுச்செயலாளர் எடப்பாடி பழனிசாமி தலைமையில் இன்று அதிமுக மாவட்டச் செயலாளர்கள் கூட்டம் நடைபெறவுள்ளது.
அனைத்திந்திய அண்ணா திராவிட முன்னேற்றக் கழகத்தின் பொதுச்செயலாளரும் தமிழ் நாடு முன்னாள் முதலமைச்சாருமான் எடப்பாடி K. பழனிசாமி அவர்கள் தலைமையில், அதிமுக புரட்சித் தலைவர் எம்.ஜி.ஆர். மாளிகையில், 6.11.2024 புதன் கிழமை ( இன்று ) மாவட்டக் செயலாளர்கள் மற்றும் பிற மாநிலங்களைச் சேர்ந்த, மாநிலக் செயலாளர்கள் ஆலோசனைக் கூட்டம் நடைபெற உள்ளது.
Also Read : 6 ஆண்டுகளுக்கு முன் நடத்தப்பட்ட தேர்வுகளின் முடிவை உடனே வெளியிடுக – ராமதாஸ் காட்டம்
இந்த ஆலோசனைக் கூட்டத்தில், மாவட்டக் செயலாளர்கள் மற்றும் பிற மாநிலக் செயலாளர்கள் அனைவரும் தவறாமல் கலந்துகொள்ளுமாறு அன்போடு கேட்டுக்கொள்கிறோம் என அதிமுக தலைமை வெளியிட்டுள்ள செய்தியில் தெரிவிக்கப்பட்டுள்ளது.
இன்று நடைபெறும் இந்த ஆலோசனை கூட்டத்தில் சட்டப்பேரவைத் தேர்தலை எதிர்கொள்வது, கட்சிப்பணிகள் உள்ளிட்டவை குறித்து ஆலோசிக்க உள்ளதாக தகவல் வெளியாகி உள்ளது குறிப்பிடத்தக்கது.
