நடிகர் மோகன் நடிப்பில், இயக்குநர் விஜய் ஸ்ரீ ஜி இயக்கத்தில் உருவாகியுள்ள்ள ‘ஹரா’ படத்தில் அவருக்கு ஜோடியாக அனுமோல் நடித்துள்ளதாக படக்குழு அறிவித்துள்ளது.
இயக்குநர் விஜய் ஸ்ரீ ஜி ‘தாதா 87’, ‘பவுடர்’ ஆகிய படங்களை இயக்கியுள்ளார். இந்நிலையில் இவர் தற்போது இயக்கம் புதிய படம் ‘ஹரா’. இந்தப் படத்தின் மூலம் நடிகர் மோகன் 14 வருடங்களுக்குப் பிறகு ரீ-என்ட்ரி கொடுக உள்ளார்.
இந்த படத்தில் குஷ்பு, யோகி பாபு, மொட்டை ராஜேந்திரன், சிங்கம்புலி, தீபா, மைம் கோபி, சாம்ஸ், கௌஷிக், அனித்ரா நாயர், சாருஹாசன் உள்ளிட்ட பலர் நடித்துள்ள நிலையில், லியாண்டர் லீ மார்டி இசையமைக்கிறார்.
இதனிடையே, படப்பிடிப்புக்கு இடையே இயக்குநர் விஜய் ஸ்ரீ ஜிக்கு சாலை விபத்தில் படுகாயம் ஏற்பட்டதால் அவரது சிகிச்சையின் காரணமாக படப்பிடிப்பில் தாமதம் ஏற்பட்டது. மேலும், ‘ஹரா’ படத்தின் படப்பிடிப்பு சமீபத்தில் தொடங்கிய நிலையில், படப்பிடிப்புக்கான தேதிகள் ஒத்துழைக்காததால் ஏற்கனவே ஒப்பந்தமான பிரபல நடிகைக்கு பதில் மோகனுக்கு ஜோடியாக அனுமோல் நடித்துள்ளார் என படக்குழுவினர் தெரிவித்துள்ளனர்.
இந்த படத்தில் தனது சிறப்பான பங்களிப்பை அனுமோல் வழங்கி உள்ளதாகவும், அவரது கதாபாத்திரம் நிச்சயம் பேசப்படும் என்றும் இயக்குநர் விஜய் ஸ்ரீ ஜி தெரிவித்துள்ளார்.
முன்னதாக, ‘அயலி’ வெப்ஸ் சீரிஸ் மூலம் ரசிகர்களிடையே கவனம் பெற்றார் நடிகை அனுமோல், தற்போது வெங்கட்பிரபு இயக்கத்தில் விஜய் நடிக்கும் ‘விஜய் 68’ படத்தில் மோகன் நடிக்க இருப்பதும் குறிப்பிடத்தக்கது.
