தமிழ் சினிமாவில் தனது தனித்துவமான நடிப்பில் ரசிகர்களை கட்டி இழுத்தவர் நடிகர் ரகுவரன்.
சினிமா கல்லூரியில் படித்த ரகுவரன், படவாய்ப்புக்காக தேடி அலைந்தார்.நீண்ட போராட்டத்திற்கு பிறகு ‘ஏழாம் மனிதன்’ படத்தில் நடிக்க அவருக்கு வாய்ப்பு கிடைத்தது.
நடிகர் ரகுவரன் நடித்த முதல் படத்திலேயே தனது அசாத்திய நடிப்பை வெளிப்படுத்தி மக்கள் மத்தியில் தனக்கென இடத்தை பிடித்தார்.
ஆரம்பத்தில் ஒரு சில படங்களில் கதாநாயகனாக நடித்த ரகுவரனுக்கு அடுத்தடுத்து படங்களில் வில்லனாக நடிக்கும் வாய்ப்பு வர தொடங்கியது.
பொதுவாக தமிழ் சினிமாவில் வில்லன் என்றாலே கட்டுக்கோப்பான உடல், மிரட்டும் தோரணை,கர்ஜிக்கும் குரல் ,கம்பீரமான தோற்றத்துடன் இருப்பவரே வில்லன் என்ற வரையறை வைக்கப்பட்டிருந்ததது.
ஆனால் குழி விழுந்த கன்னம், அளவுக்கு அதிகமான உயரம், ஒல்லியான தேகம், மீசையில்லா முகம் என வில்லனுக்கு என தமிழ் சினிமா ஃபார்முலாவை உடைத்தவர் நடிகர் ரகுவரன்.
‘பாட்ஷா’ படத்தில் சூப்பர் ஸ்டார் ரஜினியுடன் நடித்த நடிகர் ரகுவரன், மார்க் ஆண்டனி காதாபாத்திரத்தில் நடித்து அனைவரையும் மிரட்டினார்.
இன்றளவிலும் அந்த கதாபாத்திரத்தை ரகுவரனை தவிர நிச்சயம் யாராலும் ஈடுசெய்ய முடியாது.இதனை தொடர்ந்து , நடிகர் ரகுவரன் முன்னணி ஹீரோக்கள் பலருக்கும் மிரட்டும் வில்லனாக நடித்திருந்தார்.
தமிழ் சினிமாவில் டாப் வில்லன் நடிகராக வளம் வந்த ரகுவரன் 1996 ஆண்டு நடிகை ரோகிணியை காதலித்து திருமணம் செய்து கொண்டார்.
ரகுவரன்- ரோகிணிக்கு 1998 ஆம் ஆண்டு ரிஷிவரன் என்ற மகன் பிறந்தார்.
இதனை தொடர்ந்து 2004 ஆம் ஆண்டு கருத்துவேறுபாடு காரணமாக நடிகை ரோகிணியை நடிகர் ரகுவரன் பிரிந்தனர். மகன் ரிஷியுடன் ரோஹினி வசித்து வந்தார்.
மகனை விட்டு இருந்த அந்த பிரிவு ரகுவரனை மனதளவில் மிகவும் பாதித்து குடிப்பழக்கத்திற்கு அடிமையானார்.
இந்த சுழலில் 2008 ஆம் ஆண்டு மாரடைப்பால் ரகுவரன் உயிரிழந்தார்.
மேலும் அதிகப்படியான குடிப்பழக்கம் தான் அவரது இறப்பிற்கு கரணம் என்று சொல்லப்பட்டாலும் மகனை பிரிந்த மன அழுத்தமும் அவரின் இறப்பிற்கு முக்கிய கரணம் என்று கூறப்பட்டது.
நடிகர் ரகுவரனின் மகன் ரிஷியின் புகைப்படங்கள் தற்போது இணையத்தில் வைரலாகி வருகிறது.