நடிகர் அஜித் நடித்துள்ள துணிவு திரைப்படம் ஜனவரி 11ஆம் தேதி திரையரங்குகளில் வெளியாக உள்ளது.இப்படத்தில் நடிகை மஞ்சு வாரியர், சமுத்திரக்கனி, ரோபோ சங்கர், ஜான் கொக்கன், வீரா ஆகியோர் முக்கிய வேடங்களில் நடித்துள்ளனர்.சமீபத்தில் வெளியான துணிவு படத்தின் ட்ரைலர் இணையத்தில் வைரலானது.
அஜித்தின் வலிமையை எதிர்பார்த்து காத்திருந்த ரசிகர்களுக்கு இப்படம் திருப்தி அளிக்கவில்லை என்று கூறப்படுகிறது. வலிமை,நேர்கொண்ட பார்வை, படங்களுக்குப் அடுத்து அஜித், எச்.வினோத் மற்றும் போனி கபூர் மீண்டும் துணிவு படத்தில் இணைந்துள்ளனர்.
துணிவு திரைப்படம் ஜனவரி 11ஆம் தேதி வெளியாகும் என்று துணிவு படக்குழுவினால் அதிகாரப்பூர்வமாக அறிவிக்கப்பட்டது.அதனைத் தொடர்ந்து ஜனவரி 11-ம் தேதியே வாரிசு திரைப்படமும் வெளியாகும் என்று வாரிசு திரைப்படத்தின் தயாரிப்பாளர் தில் ராஜு அறிவித்துள்ளார்.
இந்த திரைப்படத்தில் நடிகர் அஜித்துடன் இணைந்து மஞ்சு வாரியர் நடித்துள்ளார்.இயக்குனர் ஹேச்.வினோத் இயக்கத்தில் போனி கபூர் தயாரிப்பில் உதயநிதி ஸ்டாலினின் ரெட் ஜெயிண்ட் நிறுவனம் வினியோகம் செய்யும் துணிவு திரைப்படத்தை அஜித் ரசிகர்கள் எதிர்பார்த்து காத்திருக்கின்றனர்.
இந்நிலையில் துணிவு புரொமோஷன் நேர்காணலில் பேசிய எச்.வினோத், ”நேர்கொண்ட பார்வை படம் தொடங்குவதற்கு முன்பாகவே சதுரங்க வேட்டை படத்தின் பிரம்மாண்டமான வெர்ஷனை தான் அஜித்திடம் முதலில் கூறியிருந்தேன். அது ஹீரோ சப்ஜெக்ட்டாக இல்லாமல் காமன்மேன் கதையாக எழுதிருந்தேன். தற்போது அந்த கதையை தனுஷ் சாரிடம் சொன்ன பிறகு அவர் ஓக்கே சொல்லிவிட்டால் அது படமாக வரும்” என தெரிவித்துள்ளார்.