துருவ நட்சத்திரம் படத்தின் கதையை கௌதம் மேனன் ரஜினிகாந்த்திடம் கூறியதாக தகவல் தெரிய வந்திருக்கிறது.
தமிழ்திரை உலகில் முன்னணி இயக்குநர்களில் ஒருவரான கௌதம் வாசுதேவ் மேனன், இயக்குனர் மட்டும் இன்றி நடிப்பிலும் கவனம் செலுத்தி வருகிறார். அந்தவகையில, பத்து தல, லியோ உள்ளிட்ட பல திரைப்படங்களில் நடித்துள்ளார்.
இவர் இயக்கத்தில் திரையரங்குகளில் வெளியாகிய வேட்டையாடு விளையாடு, வாரணம் ஆயிரம், விண்ணைத்தாண்டி வருவாயா, காக்க காக்க, மின்னலே உள்ளிட்ட படங்கள் மிகப்பெரும் வெற்றி பெற்றனர்.
இதனை தொடர்ந்து சிம்பு நடிப்பில் வெளியாகிய வெந்து தணிந்தது காடு என்ற திரைப்படத்தை கௌதம் வாசுதேவ் மேனன் இயக்கி இருந்தார். இந்த திரைப்படம் நல்ல வரவேற்பைப் பெற்றது.
இதற்கிடையே அவர் நடிகர் விக்ரமை வைத்து துருவ நட்சத்திரம் என்ற படத்தை கடந்த 2017ஆம் ஆண்டு ஆரம்பித்தார். ஹாரிஸ் ஜெயராஜ் இசையமைத்துள்ள இந்த திரைப்படத்தில், சிம்ரன், பார்த்திபன், உள்ளிட்ட பலர் விக்ரமுடன் நடித்திருக்கின்றனர். இந்தப் படம் சில பிரச்னைகளால் தடைப்பட்டு இருந்தது.
இந்த நிலையில் சமீபத்தில் துருவ நட்சத்திரம் படத்தின் ட்ரெய்லர் வெளியாகி ரசிகர்களிடையே பெரும் வரவேற்பைப் பெற்றது. துருவ நட்சத்திரம் நவம்பர் 24ஆம் தேதி ரிலீஸாக உள்ள நிலையில் அதற்கான ப்ரோமோஷன் பணிகளில் கௌதம் மேனன் ஈடுபட்டிருக்கிறார்.
இந்த நிலையில் கௌதம் வாசுதேவ் மேனன் சமீபத்தில் பேட்டி அளித்திருந்தார்.
அந்த பேட்டியில் “துருவ நட்சத்திரம் படத்தின் கதையை முதலில் சூர்யாவிடம் கூறியதாகவும், ஆனால் அவரோ ஸ்பை த்ரில்லர் ஜானர் கதைகளை மக்கள் அங்கீகரிப்பதில்லை என்று கூறி விலகிவிட்டார் என்று என்று கூறி உள்ளார்.
அதன் பிறகு ரஜினிகாந்த்திடமும் இந்தப் படத்தின் கதையை சொன்னேன்.
அவருக்கு கதை மிகவும் பிடித்திருந்தது. ஆனால் அவரால் சில காரணங்களால் படத்தில் நடிக்க முடியவில்லை. அதன் பிறகு விக்ரமிடம் சொன்னேன். அவர் ஒத்துக்கொண்டார்” என்று அந்த பேட்டியில் கூறி இருக்கிறார்