இந்தியா மற்றும் மேற்கிந்திய தீவுகள் அணிகளுக்கு இடையேயான முதல் ஒருநாள் போட்டி இன்று மாலை நடைபெற உள்ளது .
வெஸ்ட் இண்டீஸ் நாட்டுக்கு சுற்றுப்பயணம் மேற்கொண்டுள்ள இந்திய கிரிக்கெட் அணி 2 டெஸ்ட், மூன்று ஒரு நாள் மற்றும் 5, 20 ஓவர் போட்டிகளில் பங்கேற்று விளையாட உள்ளது .
இதில் முதலாவதாக நடைபெற்ற டெஸ்ட் தொடரின் முதல் போட்டியில் இந்தியா வெற்றி பெற்ற நிலையில், இரண்டாவது போட்டி மழை காரணமாக டிரா ஆனது. இதனால் இந்திய அணி 1க்கு0 என்ற கணக்கில் டெஸ்ட் தொடரை அசால்டாக கைப்பற்றியது.
இதையடுத்து 3 போட்டிகள் கொண்ட ஒருநாள் கிரிக்கெட் தொடரில் இந்திய அணி விளையாடவுள்ளது. ஒருநாள் போட்டிகள் முடிந்த கையுடன் டி20 தொடரில் இந்திய அணி விளையாட உள்ளது.
இந்நிலையில் இந்தியா மற்றும் மேற்கிந்திய தீவுகள் அணிகளுக்கு இடையிலான முதல் ஒருநாள் போட்டி பிரிட்ஜ்டவுனில் உள்ள உலக புகழ் பெற்ற கென்சிங்டன் ஓவல் மைதானத்தில் இன்று நடைபெறவுள்ளது. இந்திய நேரப்படி சரியாக இன்று இரவு 7 மணிக்கு இப்போட்டி தொடங்குகிறது.
இதையடுத்து டெஸ்ட் தொடரில் வெஸ்ட் இண்டீஸ் அணியை வீழ்த்தியது போல் ஒரு நாள் தொடரையும் கைப்பற்ற வேண்டும் என்ற முனைப்பில் இந்திய அணி தீவிர பயிற்சியில் ஈடுபட்டுள்ளது.
அதேபோல் இந்த பக்கம் டெஸ்ட் தொடரில் பட்ட தோல்விக்கு பதிலடி கொடுத்து ஒரு நாள் தொடரை வெல்ல வேண்டும் என்ற முனைப்பில் வெஸ்ட் இண்டீஸ் அணியின் வீரர்கள் ஆயத்தமாகி வருகின்றனர்.
இந்நிலையில் இன்று நடைபெறும் இந்த ஒரு நாள் போட்டியில் எந்த அணி வெல்லப்போகிறது எந்த அணி தோல்வியை சந்திக்கபோகிறது என்பதை நாம் காத்திருந்து தான் பார்க்க வேண்டும்.