மகரம் ராசியினருக்கு எப்படி? இந்த காலகட்டத்துல பணக் கஷ்டம் இருக்காது..!!

மகரம் ராசி

உத்திராடம் 2, 3, 4 பாதங்கள், திருவோணம், அவிட்டம் 1, 2 பாதங்கள்

கிரகநிலை

• ராசியில் சுக்கிரன்,- சனி
• தைரிய வீர்ய ஸ்தானத்தில் -குரு
• சுக ஸ்தானத்தில் -ராகு
• பஞ்சம பூர்வ புண்ணிய ஸ்தானத்தில்- செவ்வாய்
• தொழில் கர்ம ஜீவன ஸ்தானத்தில்- கேது
• விரைய ஸ்தானத்தில் -சூரியன், புதன்(வ)

கிரக மாற்றங்கள்:

• 29-03-2023 அன்று ராசியில் இருந்து சனி பகவான் தனவாக்கு குடும்ப ஸ்தானத்திற்கு பெயர்ச்சியாகிறார்
• 22-04-2023 அன்று குரு பகவான் சுக ஸ்தானத்திற்கு பெயர்ச்சி ஆகிறார்
• 08-10-2023 அன்று ராகு பகவான் தைரிய வீர்ய ஸ்தானத்திற்கு மாறுகிறார்
• 08-10-2023 அன்று கேது பகவான் பாக்கிய ஸ்தானத்திற்கு மாறுகிறார்.

பொது பலன்கள்:

• சனியை ராசிநாதனாகக் கொண்ட உங்களுக்கு இந்த ஆண்டு உங்களுடைய கவுரவத்திற்கு ஊறு நேராது.
• அன்றாடப் பணிகளில் தொய்வு உண்டாகாது. கடுமையாக உழைக்க வேண்டி வரும். அதனால் பயனும் உண்டாகும்.
• நண்பர்களிடமோ, தொழில் சம்பந்தப்பட்ட வகையிலோ, வியாபார ரீதியாகவோ யாரிடமும் தகராறு வரும்படி நடந்து கொள்ளாதீர்கள்.
• உடல் நலனில் அக்கறை செலுத்துங்கள். பொருளாதார நிலை பாதிக்கப்படாது. கணவன்- மனைவி உறவு களிப்புடன் விளங்கும்.
• உறவினர்களால் ஏற்படும் தொல்லைகளில் ஒரு கட்டுப்பாடு இருக்க இடமுண்டு. பொதுவாக நன்மையும் உண்டு.

தொழில் துறை:

உத்தியோகத்தில் மேன்மையுண்டாகும். பணக் கஷ்டம் இருக்காது.

முதலாளி – தொழிலாளி உறவு பாதிக்கப்படாமல் காப்பதில் இரு சாராருக்குமே பொறுப்புள்ள – நேரம் இது.

உத்தியோக மேன்மையுண்டு.

பதவி உயர்வு கிடைக்கும்.

தேவையான இடமாற்றம் கிடைக்கவும் வாய்ப்புண்டு.

அரசியல் துறை

அரசியல்வாதிகளுக்கு ஒரு சிறப்பு உண்டாகலாம்.

பொருளாதாரச் சிக்கல் வராது. தொழில் அபிவிருத்திகள் பாதிக்கப்படாது.

மக்கள் சுபிட்சம் சீராக இருக்கும். கட்சிப் பணிகளில் சுறுசுறுப்பு ஏற்படும்.

பேசும் வார்த்தையில் எப்போதும் எச்சரிக்கையாக இருப்பது நல்லது.

கலைத்துறை

கலைத்துறைப் பணிகளில் அன்றாட பணிகள் பாதிக்கப்படாது.

சில நன்மைகள் உண்டாகும். தொழில் சிறப்படையும்.

பொருளாதார நிலையில் பாதிப்பு ஏற்படாது. புதிய வாய்ப்புகள் கிடைக்கும். பிரபலமானவர்களுடன் இணைந்து வேலை செய்யும் வாய்ப்பு கிடைக்கும்.

இசை, எழுத்து ஆகிய துறைகளில் பணிபுரிபவர்கள் முன்னேற்றம் காண்பர்.

பெண்களுக்கான பலன்கள்

பெண்களின் பணிகள் சுறுசுறுப்படையும்.

குடும்ப அமைதி கெடாது. வேலை செய்யும் பெண்களுக்கு மேன்மை உண்டாகும்.

தொழில் செய்பவர்களுக்கு பணிகள் சுமாரான நிலையில் நடைபெறும். சில நன்மைகள் உண்டாகும்.

இதுவரை இருந்து வந்த உடல் உபாதை. உள்ளக்கோளாறு போன்ற குறைகள் நிவர்த்தியாக வாய்ப்புண்டு.

குடும்பத்தில் சுபகாரியம் ஏதேனும் நடக்கலாம்.

 நட்சத்திர பலன்கள்

உத்திராடம் 2, 3, 4 பாதங்கள்:

இந்த ஆண்டு செல்வ நிலையில் எச்சரிக்கையோடு இருந்தால் எதையும் பறிபோகாமல் காத்துக்கொள்ளலாம்.

மிகுந்த உழைப்பு இருக்கும். வியாபாரிகளுக்கு, விவசாயிகளுக்கு உற்சாக நிலை உண்டு.

கலைத்துறையில் அன்றாட பணிகளுக்கு இடையூறு ஏற்படாது.

குடும்ப நலம் உண்டு. அரசியல்வாதிகள் மக்கள் நலனில் அக்கறை காட்டுங்கள். நற்பணிகளில் ஈடுபடுங்கள்