பாரிஸ் பாராலிம்பிக்ஸ் தொடரில் உயரம் தாண்டுதல் போட்டியின் T64 பிரிவில் இந்திய வீரர் பிரவீன் குமார் தங்கப் பதக்கம் வென்று அசத்தியுள்ளார்.
உலகளவில் பிரபலமான ஒலிம்பிக் தொடர் இம்முறை பிரான்ஸ் நாட்டின் தலைநகரான பாரிஸில் கோலாகலமாக நடைபெற்று முடிந்தது .
இதையடுத்து பிரான்ஸ் நாட்டின் புகழ் பெற்ற நகரமான பாரிஸில் பாராலிம்பிக் போட்டிகள் கடந்த சில நாட்களுக்கு முன் கோலாகலமாக தொடங்கி நடைபெற்று வருகிறது.
செப்.8 வரை நடைபெற இருக்கும் மாற்றுத்திறனாளிகளுக்கான 17ஆவது பாராலிம்பிக் போட்டி தொடரில் 184 நாடுகளைச் சேர்ந்த 4,400 வீரர், வீராங்கனைகள் பங்கேற்க்க உள்ளனர் .
இந்நிலையில் அனல் பறக்க நடைபெற்று வரும் இந்த தொடரில் இன்று நடைபெற்ற உயரம் தாண்டுதல் போட்டியின் T64 பிரிவில் 2.08 மீட்டர் உயரம் தாண்டி இந்திய வீரர் பிரவீன் குமார் தங்கப் பதக்கம் வென்று அசத்தியுள்ளார்.
கடந்த டோக்கியோ பாராலிம்பிக் தொடரில் இதே பிரிவில் பிரவீன் குமார் வெள்ளி வென்றிருந்தது குறிப்பிடத்தக்கது.