நடிகர் அஜித் நடித்துள்ள துணிவு திரைப்படம் ஜனவரி 11ஆம் தேதி திரையரங்குகளில் வெளியானது. இப்படத்தில் நடித்த நடிகை மஞ்சு வாரியர், சமுத்திரக்கனி, ரோபோ சங்கர், ஜான் கொக்கன், வீரா ஆகியோர் முக்கிய வேடங்களில் நடித்துள்ளனர்.
சமீபத்தில் வெளியான துணிவு படத்தின் படபிடிப்பு தளத்தில் நடிகர் அஜீத் மற்றும் மஞ்சுவாரியர் இருவரும் ஓய்வு நேரங்களில் ‘பைக்’ பயணம் மேற்கொள்ளும் புகைப்படங்களை மஞ்சுவாரியர் வலைத்தளத்தில் பகிர்ந்து மகிழ்ச்சி தெரிவித்து இருந்தார்.இந்த புகைபடங்கள் இணையத்தில் வைரலானது.
அஜித்தின் வலிமையை எதிர்பார்த்து காத்திருந்த ரசிகர்களுக்கு இப்படம் திருப்தி அளிக்கவில்லை என்று கூறப்படுகிறது. வலிமை நேர்கொண்ட பார்வை, படங்களுக்குப் அடுத்து அஜித், எச்.வினோத் மற்றும் போனி கபூர் மீண்டும் துணிவு படத்தில் இணைந்துள்ளனர்.
இந்த திரைப்படத்தில் நடிகர் அஜித்துடன் இணைந்து மஞ்சு வாரியர் நடித்துள்ளார்.இயக்குனர் ஹேச்.வினோத் இயக்கத்தில் போனி கபூர் தயாரிப்பில் உதயநிதி ஸ்டாலினின் ரெட் ஜெயிண்ட் நிறுவனம் வினியோகம் செய்ததது.
இந்த நிலையில் அஜித்குமார் ‘துணிவு’ படப்பிடிப்பு சமயத்திலும் வட இந்தியாவில் பல பகுதிகளில் பைக்கில் சுற்றி வந்தார். இந்த ‘பைக்’ பயணத்தில் மஞ்சுவாரியரும் இணைந்தார்.
இந்த நிலையில் மஞ்சுவாரியர் தற்போது பைக் ஓட்டுவதற்கான ஓட்டுனர் உரிமத்தை பெற்று இருக்கிறார். எர்ணாகுளம் காக்கநாடு ஆர்.டி.ஓ. அலுவலகத்துக்கு நேரில் சென்று அதிகாரி முன்னிலையில் பைக் ஓட்டி காண்பித்து ஓட்டுனர் உரிமத்தை அவர் பெற்று இருக்கிறார். அவர் ஓட்டுனர் உரிமம் வாங்கிய புகைப்படம் வலைத்தளத்தில் வெளியாகி வைரலாகிறது.