தமிழ் சினிமாவின் மாபெரும் பொக்கிஷமாக கருதப்படும் இயக்குனர் மணிரத்னம் இயக்கும் படங்கள் அனைத்தும் அன்றும் ,இன்றும் ,என்றும் மறக்கமுடியாத வகையில் இருக்கும் அதிலும் அவரது இயக்கத்தில் வெளியாகும் அழகிய காதல் காட்சிகளுக்கு எப்போதும் தனி ரசிகர்கள் பட்டாளம் உள்ளது .
இந்நிலையில் மணிரத்னம் இயக்கத்தில் பல முன்னணி நட்சத்திரங்கள் ஒன்று கூடி நடித்துள்ள பிரம்மாண்ட வரலாற்று திரைப்படம் தான் பொன்னியின் செல்வன். கல்கியின் நாவலை தழுவி உருவாகியுள்ள இந்த திரைப்படம் மிக பெரிய பொருட்செலவில் எடுக்கப்பட்டது .
விக்ரம், கார்த்தி, ஜெயம் ரவி, ஐஸ்வர்யா ராய், திரிஷா, லால், சரத்குமார், பிரபு, ஜெயராம், ஐஸ்வர்யா லட்சுமி என பல நட்சத்திரங்கள் முக்கிய கதாபாத்திரங்களை ஏற்று சிறப்பாக நடித்திருந்தனர்.
லைக்கா நிறுவனம் தயாரிப்பில் உருவான இப்படத்தின் முதல் பாகம் ரசிகர்கள் மத்தியில் அமோக வரவேற்பை பெற்று மாபெரும் வெற்றி பெற்ற நிலையில் பொன்னியின் செல்வன் படத்தின் இரண்டாம் பாகம் ஏப்ரல் 28 ஆம் தேதி உலகம் முழுவதும் வெளியாகி நல்ல வரவேற்பை பெற்றது .
இந்நிலையில் மணிரத்னம் அவர்களின் திரைவாழ்க்கையில் முக்கிய படமாக அமைந்திருக்கும் பொன்னியின் செல்வன் 2 தற்போது ஓடிடிக்கு வந்துள்ளது . அட ஆமா மக்களே மணிரத்தனத்தின் பிறந்தநாளான இன்று பொன்னியின் செல்வன் 2 (ஜூன் 2) இன்று முதல் அனைத்து அமேசான் ஃபிரைம் வீடியோ சந்தாதாரர்களும் இலவசமாகப் பார்க்கலாம் என்று அதிகாரபூர்வமாக அறிவிக்கப்பட்டுள்ளது .
முதல் பாகத்தை போல இரண்டாம் பாகமும் திரையரங்குகளில் வசூல் ரீதியாகவும் விமர்சன ரீதியாகவும் நல்ல வரவேற்பை பெற்ற நிலையில் இப்படம் பிரபல OTT தளமான அமேசான் ஃபிரைம் OTT தளத்தில் வெளியாகி உள்ளது .
வரலாற்று சிறப்புமிக்க இப்படத்தை சிறுவர்கள் முதல் பெரியவர்கள் வரை குடும்பம் குடும்பமாக பார்த்து மகிழ்ந்தனர் . இதுவே இந்த படத்தின் வெற்றிக்கு மிக முக்கிய காரணமாக அமைந்துள்ளது குறிப்பிடத்தக்கது .