உலகம் முழுவதும் உள்ள திரையரங்குகளில் கடந்த செப் 7 ஆம் தேதி வெளியான ஜவான் படம் பிரபல ஓடிடி தளத்தில் நவம்பர் 2 ம் தேதி வெளியாக உள்ளதாக படக்குழு அதிகாரப்பூர்வ அறிவிப்பை வெளியிட்டுள்ளது.
இயக்குநர் அட்லீயின் இயக்கத்தில் பாலிவுட் திரையுலகின் பாஷாவாக வலம் வரும் நடிகர் ஷாருக்கானின் அசரவைக்கும் நடிப்பில் கடந்த 3 வருடங்களாக உருவான திரைப்படம் ஜவான் .
ரெட் சில்லிஸ் நிறுவனத்தின் இமாலய பொருட்செலவில் படு பிரம்மாண்டமாக உருவான இப்படத்தில் லேடி சூப்பர் ஸ்டார் நயன்தாரா,மக்கள் செல்வன் விஜய் சேதுபதி, யோகி பாபு , தீபிகா படுகோனே, ப்ரியா மணி,ஜாபர் என பல முன்னணி நட்சத்திரங்கள் ஒன்று கூடி அசத்தலான நடிப்பை வெளிப்படுத்தியுள்ளனர்.
ராக் ஸ்டார் அனிருத் இசையமைத்துள்ள இப்படம் கடந்த மாதம் 7 ஆம் தேதி கோலாகலமாக வெளியான நிலையில் படத்திற்கு பாசிட்டிவ் , நெகட்டிவ் என கலவையான விமர்சனங்கள் வந்தாலும் வசூலில் பட்டய கிளப்பி வந்தது .
திட்ட தட்ட 1000 கோடிக்கும் மேல் உலகம் முழுவதும் வசூல் வேட்டை நடத்திய ஜவான் படத்தின் மூலம் அதல பாதாளத்திற்கு சென்ற பாலிவுட் சினிமாவை மீண்டும் தலைதூக்க வைத்துள்ளார் நடிகர் ஷாருக்கான்
இந்நிலையில், நவம்பர் 2 ம் தேதி பிரபல ஓடிடி தளமான நெட்பிலிக்ஸ் தளத்தில் ஜவான் திரைப்படம் வெளியாக உள்ளதாக படக்குழு அதிகாரப்பூர்வ அறிவிப்பை வெளியிட்டுள்ளது .
