தமிழ்நாடு முழுவதும் சட்டமன்றத் தேர்தலுக்கான வேட்புமனுக்கள் பரிசீலனை இன்று நடைபெற்றது. விதிகளுக்கு மாறான மனுக்கள் நீக்கப்பட்டுள்ளன.
இதன் பின்னர், தமிழகத்தில் போட்டியிடும் வேட்பாளர்களில் யார் அதிக சொத்து மதிப்புடையவர்கள் என்பதும் வெளிப்படையாகியுள்ளது.
முதலிடம் பிடித்தவர் அதிமுக சார்பில் திருச்சி மாவட்டம், லால்குடி தொகுதியில் போட்டியிடும் லீமா ரோஸ் மார்ட்டின்.
தனது வேட்புமனுவில் அவர் சொத்து விவரங்களை அறிவித்து, ரூ.1048 கோடி மதிப்பிலுள்ள அசையும், அசையா சொத்துக்கள் உள்ளதாக கூறியுள்ளார்.
இவரது கணவர் மார்ட்டின் மற்றும் மகன் ஜோஸ் மார்ட்டின் பெயரில் கூடுதல் பல கோடி மதிப்புள்ள சொத்துகள் உள்ளன. இரண்டாவது இடத்தில் தமிழக வெற்றிக் கழக தலைவர் சினிமா நடிகர் விஜய் உள்ளார்.
திருச்சி கிழக்கு மற்றும் பெரம்பூர் தொகுதிகளில் போட்டியிடும் விஜய் தனது பிரமாணப் பத்திரத்தில் ரூ.624 கோடி மதிப்புள்ள சொத்து விவரங்களை தெரிவித்துள்ளார்.
மூன்றாவது இடத்தில் இவரது கட்சியாளர் ஆதவ் அர்ஜுனா வில்லிவாக்கம் தொகுதியில் போட்டியிடுகிறார்.
அவரது அசையும் சொத்துக்கள் ரூ.180 கோடி, அசையா சொத்துக்கள் ரூ.17.49 கோடி மதிப்பில் உள்ளன. அவர் ரூ.155 கோடி வரை கடன்களும் கொடுத்துள்ளதாக கூறியுள்ளார்.
இதனால் முதல் மூன்று இடங்களில் ஒரே கட்சியினரும் ஒரே குடும்பத்தினரின் சொத்துக்களும் இடம்பெற்றுள்ளன என்பது குறிப்பிடத்தக்கது.