டி20 உலகக்கோப்பை விரைவில் தொடங்க உள்ள நிலையில் ஹசரங்கா தலைமையிலான 15 பேர் கொண்ட ( SL team for t20wc ) அணியை இலங்கை கிரிக்கெட் வாரியம் அறிவித்துள்ளது.
டி20 உலகக் கோப்பை கிரிக்கெட் போட்டிகள் வரும் ஜூன் மாதம் 1ஆம் தேதி முதல் 29ஆம் தேதி வரை நடைபெற உள்ளது. இந்த கிரிக்கெட் போட்டியை வெஸ்ட் இண்டீஸ் மற்றும் அமெரிக்க நாடுகள் இணைந்து நடத்த உள்ளன.
ரசிகர்கள் மத்தியில் ஏகபோக எதிர்பார்ப்பை ஏற்படுத்தியுள்ள இந்த உலகக்கோப்பை கிரிக்கெட் திருவிழாவில் 20 அணிகள் பங்கேற்கின்றன.
Also Read : மத்திய அரசு நடத்திய நீட் தேர்வில் முறைகேடு – வெளியான அதிர்ச்சி தகவல்..!!
இந்தியா சார்பில் டி20 உலகக் கோப்பை கிரிக்கெட்டில் பங்கேற்கும் அணியில் இடம்பெறப் போகும் வீரர்கள் யார் என்று பல்வேறு சந்தேகங்கள் நிலவி வந்த நிலையில் கடந்த சில நாட்களுக்கு முன் டி20 உலகக் கோப்பை கிரிக்கெட் தொடரில் விளையாட போகும் இந்திய அணியின் பட்டியல் வெளியிடப்பட்டது .
இதையடுத்து ஒவ்வரு அணியும் தங்களது அணி பட்டியலை வெளியிட்டு வரும் நிலையில் தற்போது இலங்கை கிரிக்கெட் வாரியம் ஹசரங்கா தலைமையிலான 15 பேர் கொண்ட அணியின் பட்டியலை ( SL team for t20wc ) வெளியிட்டுள்ளது.
டி20 உலகக்கோப்பை இலங்கை அணி :
வனிந்து ஹசரங்க (கேப்டன்), சரித் அசலங்கா, குசல் மெண்டிஸ், பதும் நிஷங்கா, கமிந்து மெண்டிஸ், சதீர சமரவிக்ரமா, ஏஞ்சலோ மேத்யூஸ், தசுன் ஷனகா, தனஞ்செயா டி சில்வா, மஹீஸ் தீக்ஷன, துனித் வெல்லலாகே, துஷ்மந்த சமீர, நுவன் துஷார, மதீஷா பதிரானா, மற்றும் தில்ஷன் மதுஷங்க.