திருவண்ணாமலை(tiruvannamalai) அருணாச்சலேஸ்வரர் கோயிலில் பெளர்ணமி(pournami) கிரிவலத்தை ஒட்டி, நாளை சென்னையில் இருந்து சிறப்பு பேருந்துகள் இயக்கப்படும் என போக்குவரத்துக்கழகம் அறிவித்துள்ளது.
இது குறித்து போக்குவரத்துக்கழகம் வெளியிட்டுள்ள அறிக்கையில்: நாளை 01.08.2023 அன்று பௌர்ணமியை முன்னிட்டு திருவண்ணாமலை அருணாசலேஸ்வரர் திருக்கோயில் கிரிவலம் என்பதால் தமிழ்நாடு அரசு போக்குவரத்துக்கழகம் (வி) லிமிடெட், வேலூர் மண்டலம், சார்பில் சென்னையிலிருந்து 30 சிறப்பு பேருந்துகள்இயக்கப்படும் என அறிவித்துள்ளது.
மேலும் வேலூரிலிருந்து 50 சிறப்பு பேருந்துகள், திருப்பத்தூரிலிருந்து 30 சிறப்பு பேருந்துகள் மற்றும் ஆற்காட்டிலிருந்து 20 சிறப்பு பேருந்துகள் இயக்கப்பட உள்ளது என்பதை பொதுமக்களுக்கு தெரிவித்துக்கொள்ளப்படுகிறது.
பொதுமக்கள் இந்த சிறப்பு பேருந்து சேவையை பயன்படுத்திக்கொள்ளுமாறு கேட்டுக்கொள்ளப்படுகிறது.
