நயன்தாரா திரைப்பட புரொமோஷன்களில் ஏன் கலந்துகொள்வதில்லை? – விக்னேஷ் சிவன் விளக்கம்!!

நயன்தாராவும், விக்னேஷ் சிவனும் இணைந்து தொடங்கும் “9 skin” என்ற அழகு சாதனப் பொருட்கள் அறிமுக விழா மலேசியாவில் நடைபெற்றது.

இந்த நிகழ்ச்சியில் நயன்தாரா தனது சொந்தப் படங்களுக்கான புரொமோஷன்களில் கூட கலந்துகொள்ள ஏன் முன்வருவதில்லை என விக்னேஷ் சிவன் கூறியுள்ளார்.

திரைப் பிரபலங்களான நயன்தாராவும், விக்னேஷ் சிவனும் இணைந்து “9 skin”என்ற அழகு சாதனப் பொருட்கள் விற்கும் நிறுவனம் மூலம் தொழில்முனைவோர் ஆகியுள்ள நிலையில், இதற்கான அறிமுக விழா இன்று செப்.(30.09.23) மலேசியாவில் நடைபெற்றது.

இந்த நிகழ்ச்சியில் கலந்துகொண்ட நயன்தாராவும், விக்னேஷ் சிவனும் தங்களது “9 skin” பிராண்டை அறிமுகம் செய்தனர்.

அதனைத் தொடர்ந்து மேடையில் பேசிய இயக்குநர் விக்னேஷ் சிவன்,

“நயன்தாராவை பொறுத்தவரை ஒரு விஷயம் சரியானது என தோன்றினால் மட்டுமே அதனை செய்ய முடிவெடுப்பார். மேலும், அதனை புரொமோட் செய்வார். அவர் பெரும்பாலும் தனது சொந்த படங்களுக்கான புரொமோஷன்களில் கூட கலந்துகொள்ள முன்வருவதில்லை. நயன்தாரா சிறந்த ஒன்று தன்னைத்தானே விளம்பரப்படுத்திக் கொள்ளும் என்பதை நம்புகிறார்.

இப்போது நாங்கள் அறிமுகம் செய்திருக்கும் இந்தப் பொருட்கள் கூட அவர் பயன்படுத்தி பார்த்தவைதான். தொடக்கத்தில் இந்த அழகு சாதனப் பொருட்களுக்கு அவர் ஒரு பிராண்ட் அம்பாசிடராக இருப்பார் என தான் நினைத்தேன். ஆனால், அவர் இதில் முழுமையாக தன்னை ஈடுபடுத்திக் கொண்டார்.

இந்த பொருளுக்கான வடிவமைப்பு, எழுத்துரு முதற்கொண்டு அனைத்தையும் அவரே முழுமையாக கவனித்துக் கொண்டார். அது எனக்கு மிகவும் உத்வேகம் அளித்தது. சின்னச் சின்ன விஷயங்களில் கூட நயன்தாராவின் அக்கறையையும், அர்ப்பணிப்பையும் கண்டு நான் வியந்திருக்கிறேன்” என்று பேசியுள்ளார்.

தற்போது, விக்னேஷ் சிவன் பேசிய இந்த வீடியோ இணையத்தில் வைரலாகி வருகிறது.

https://x.com/proyuvraaj/status/1707760815204335964?s=20