வெங்கட்பிரபு இயக்கத்தில் நடிகரும் தமிழக வெற்றி கழக தலைவருமான விஜய் தற்போது நடித்துள்ள திரைப்படமே தி கோட் .
விஜய்யின் 68 வது திரைப்படமாக உருவாகி உள்ள இப்படத்தின் AGS நிறுவனம் மாபெரும் பொருட் செலவில் தயாரிக்க விஜய்யுடன் சேர்ந்து இப்படத்தில் பிரஷாந்த் , பிரபுதேவா , சினேகா உள்ளிட்ட பல முன்னணி நட்சத்திரங்கள் நடித்துள்ளனர்.
யுவன் ஷங்கர் ராஜா இசையமைத்துள்ள இப்படம் நாளை மறுநாள் உலகம் முழுவது, உள்ள திரையரங்குகளில் வெளியாக உள்ள நிலையில் தற்போது கோட் படக்குழு புதிய சிக்கலில் சிக்கி உள்ளதாக தகவல் வெளியாகி உள்ளது .
Also Read : இந்திய கடற்படையின் ஹெலிகாப்டர் கடலில் விழுந்து விபத்து – 3 பேர் மாயம்..!!
தமிழ்நாட்டில் ‘கோட்’ திரைப்படத்தின் சிறப்பு காட்சிகளை 80 சதவீத திரையரங்குகள் ரத்து செய்துள்ளதாக அதிர்ச்சி தகவல் வெளியாகி உள்ளது.
சிறப்பு காட்சி டிக்கெட் ஒன்றுக்கு ரூ.700 முதல் ரூ.800 வரை விநியோகஸ்தர்கள் கேட்பதாக கூறப்படும் நிலையில் விநியோகஸ்தர்களின் நெருக்கடியால் சிறப்பு காட்சிகளை திரையரங்கு உரிமையாளர்கள் ரத்து செய்துள்ளனர்.
இதனால் சிறப்பு காட்சியை எதிர்பார்த்து காத்திருந்த விஜயின் ரசிகர்கள் ஏமாற்றமடைந்ததுடன் சிறப்பு காட்சிகள் தங்களுக்கு நிச்சயம் வேண்டும் எனவும் கோரிக்கை வைத்து வருகின்றனர்.