இந்தியாவின் முன்னாள் குடியரசுத் தலைவர், டாக்டர் APJ அப்துல் கலாம் நினைவு தினத்தை முன்னிட்டு இந்திய அரசியல் தலைவர்கள் பலரும் அவரை நினைவு கூர்ந்து அப்துல் கலாமின் பெருமைகளை இளைய தலைமுறைக்கு எடுத்துரைத்து வருகின்றனர் .
அந்தவகையில் தமிழக பாஜக தலைவர் அண்ணாமலை தனது ட்விட்டர் பக்கத்தில் அப்துல் கலாம் குறித்து உருக்கமான பதிவு ஒன்றை போட்டுள்ளார் .
இதுகுறித்து ட்விட்டரில் பதிவிட்டுள்ள அண்ணாமலை கூறியதாவது :
தலைசிறந்த விஞ்ஞானிகளில் ஒருவரும், முன்னாள் குடியரசுத் தலைவரும், பாரதத்தின் பெருமைமிகு புதல்வருமான ஐயா அப்துல்கலாம் அவர்கள் நினைவுதினம் இன்று.
தாய்நாட்டுக்காகவும், இளைஞர்கள் முன்னேற்றத்துக்காகவும் தன் இறுதி வரை அயராது உழைத்த ஐயா அப்துல் கலாம் அவர்கள் நினைவைப் போற்றுவோம். அவரது வழியில் சிறப்பான இந்தியாவை உருவாக்க அனைவரும் உழைப்பதே அவருக்கு நாம் செய்யும் நன்றிக்கடனாகும் என அண்ணாமலை தெரிவித்துள்ளார்.