கார் விபத்தில் சிக்கிய பிக் பாஸ் பிரபலம் தற்போது மருத்துவமனையில் அனுமதிக்கப்பட்டுள்ளார்.
பிரபல தொலைக்காட்சி ரியாலிட்டி ஷோ-வான பிக்பாஸ் 11-வது சீசனில் பங்கேற்ற பிரபல மாடலும் நடிகையுமான அர்ஷி கான், கார் விபத்தில் சிக்கி மருத்துவமனையில் அனுமதிக்கப்பட்டுள்ளார். விபத்தில் அவருக்கு சிறு காயங்கள் ஏற்பட்டுள்ளதாகத் தெரிகிறது.
“அர்ஷி கான், காரில் இருந்த போது, டெல்லியில் உள்ள ஷிவாலிக் சாலை, மாளவியா நகர் அருகே இந்த விபத்து நிகழ்ந்துள்ளதாக ஆதாரங்கள் தெரிவிக்கின்றன. ஆனால் இது குறித்த முழுமையான தகவல்கள் எதுவும் வெளிவரவில்லை.
இதையடுத்து நடிகை மருத்துவமனையில் அனுமதிக்கப்பட்டுள்ளார்” என்று பிரபல ஆங்கில ஊடகத்தில் மேற்கோள் காட்டப்பட்ட நிலையில் பின்னர் அர்ஷி கானின் குடும்பத்தினர் இதனை இணையதளத்தில் உறுதிப்படுத்தினர்.
சல்மான் கான் தொகுத்து வழங்கிய பிக் பாஸ் நிகழ்ச்சியின் 11-வது சீசனில் பங்கேற்று, பின்னர் 14-வது சீசனில் வைல்டு கார்டு போட்டியாளராகவும் பங்கேற்றார் அர்ஷி கான் என்பது குறிப்பிடத்தக்கது.