Incoming Call-களில் இனி அழைப்பவரின் பெயர் குறிப்பிடப்படும் வகையில் புதிய அம்சம் விரைவில் வர உள்ளதாக தகவல் வெளியாகி உள்ளது. இதனால் இனி Unknown எண்ணை பார்த்து பயப்படும் அவசியம் இல்லை என தெரிவிக்கப்பட்டுள்ளது.
Incoming Call-களில் தொடர்புகொள்பவரின் பெயரை காட்டும் அம்சம் இந்தியாவில் சோதனை முயற்சியில் உள்ளதாக TRAI தகவல் தெரிவித்துள்ளது.
மும்பை, ஹரியானா ஆகிய நகரங்களில் முதற்கட்டமாக இந்த வசதி சோதனையில் உள்ளதாக கூறப்படுகிறது. இந்த வசதி பொதுமக்களிடம் எந்த அளவிற்கு வரவேற்பை பெறுகிறதோ அதனை பொறுத்து பின்னர் படிப்படியாக மற்ற நகரங்களிலும் அமலுக்கு வரும் என தெரிவிக்கப்பட்டுள்ளது.
நாளுக்கு நாள் அதிகரித்துவரும் Spam மற்றும் மோசடி அழைப்புகளை தவிர்ப்பதற்காக இந்த அம்சம் கொண்டுவரப்பட்டுள்ளது குறிப்பிடத்தக்கது.
இந்த அலைபேசிகள் வந்த நாள் முதல் மார்க்கெட்டிங் மற்றும் தேவையற்ற Spam அழைப்புகள் தொடர்ந்து வந்துகொண்டே இருப்பதால் வாடிக்கையாளர்களிடம் இருந்து ஏகப்பட்ட புகார்கள் எழுந்த நிலையில் தற்போது முயற்சி கையில் எடுக்கப்பட்டுள்ளது .