கனமழை எச்சரிக்கையால் சென்னை மண்டல பாஸ்போர்ட் அலுவலகம் மற்றும் பாஸ்போர்ட் சேவா கேந்திரா அலுவலகங்கள் நாளை (அக். 16) இயங்காது என அறிவிக்கப்பட்டுள்ளது.
சென்னை உள்பட தமிழ்நாட்டின் பெரும்பாலான பகுதிகளில் கனமழை பெய்து வரும் நிலையில் மிக கனமழை பெய்துள்ள பகுதிகளில் உள்ள பள்ளி மற்றும் கல்லூரிகளுக்கு இன்று விடுமுறை அறிவிக்கப்பட்டது . இருப்பினும் தொடர்மழை பெய்து வருவதால் நாளையும் பெரும்பாலான பகுதிகளில் விடுமுறை அறிவிக்கப்பட்டு வருகிறது.
Also Read : கனமழை காரணமாக சென்னை உயர்நீதிமன்றத்துக்கு நாளை விடுமுறை..!!
இந்நிலையில் கனமழை எச்சரிக்கையால் அரசு மற்றும் பொதுத்துறை நிறுவனங்களுக்கும் நாளை (அக்.16) விடுமுறை அறிவிக்கப்பட்டுள்ளது.
அந்தவகையில் கனமழை எச்சரிக்கை காரணமாக சென்னை மண்டல பாஸ்போர்ட் அலுவலகம் மற்றும் பாஸ்போர்ட் சேவா கேந்திரா அலுவலகங்கள் நாளை (அக். 16) இயங்காது என அறிவிக்கப்பட்டுள்ளது.
அமைந்தகரை, சாலிகிராமம், தாம்பரம், காஞ்சிபுரம், திருவள்ளூர் ஆகிய இடங்களில் உள்ள பாஸ்போர்ட் சேவா கேந்திரா அலுவலகங்களில் நாளை முன்பதிவு செய்தவர்கள் வேறு நாட்களை தேர்வு செய்யவும் அறிவுறுத்தப்பட்டுள்ளது.