தமிழகத்தில் உள்ள பெரும்பாலான பகுதிகளில் கனமழை வெளுத்து வாங்கி வரும் அக்டோபர் 15ம் தேதி சென்னைக்கு ஆரஞ்சு அலர்ட் விடுத்து சென்னை வானிலை ஆய்வு மையம் எச்சரித்துள்ளது.
தமிழ்நாட்டில் இம்மாதம் 15 ஆம் தேதி முதல் பருவமழை தொடங்கும் என்றும் இந்த மழையானது இந்த முறை இயல்பை விட அதிகமாக பெய்யும் என்றும் இந்திய வானிலை ஆய்வு மையம் எச்சரிக்கை விடுத்துள்ள நிலையில் தற்போது 15ம் தேதி சென்னைக்கு ஆரஞ்சு அலர்ட் விடுத்து சென்னை வானிலை ஆய்வு மையம் எச்சரித்துள்ளது.
Also Read : டாடா அறக்கட்டளைத் தலைவராக நோயல் டாடா நியமனம்..!!
சென்னையில் அக்டோபர் 15ம் தேதி 12-20 செ.மீ. மழைக்கு வாய்ப்பு என்பதால் மிக கனமழைக்கான ஆரஞ்சு அலர்ட் விடுக்கப்பட்டுள்ளதாக சென்னை வானிலை ஆய்வு மையம் தெரிவித்துள்ளது.
செங்கல்பட்டு, காஞ்சிபுரம், திருவள்ளூர், ராணிப்பேட்டை, வேலூர், விழுப்புரம், திருவண்ணாமலை, திருப்பத்தூர் மாவட்டங்களுக்கும் வரும் 15 ஆம் தேதி ஆரஞ்சு அலர்ட் விடுக்கப்பட்டுள்ளது குறிப்பிடத்தக்கது.