Shooting in Manipur election : வடகிழக்கு மாநிலங்களில் ஒன்றான மணிப்பூரில் இன்று முதற்கட்ட நாடாளுமன்றத் தேர்தல் நடைபெற்று வருகிறது.
இந்நிலையில்,மணிப்பூரில் ஓராண்டாக நீடித்து வரும் கலவரத்தில் 200-க்கும் மேற்பட்டோர் கொல்லப்பட்டு உள்ளனர்.
நாடு முழுவதும் பேரதிர்ச்சியை ஏற்படுத்திய இந்த கலவரம் இன்னும் முழுமையாக ஓயாததால் மாநிலத்தின் பல பகுதிகளில் தொடர்ந்து பதற்றமான சூழல் நீடித்து வருகிறது.
இதையும் படிங்க : வாக்களிக்க சென்ற 2 பேர் உயிரிழப்பு – பரபரப்பு சம்பவம்!
மணிப்பூரில் உள் மணிப்பூர் மற்றும் வெளி மணிப்பூர் என 2 தொகுதிகள் உள்ள நிலையில், உள் மணிப்பூர் தொகுதியில் இன்று தேர்தல் நடைபெற்று வருகிறது.
இதேபோல வெளி மணிப்பூர் தொகுதியில் 15 சட்டசபை தொகுதிகளுக்கு உட்பட்ட பகுதிகளிலும் இன்று வாக்குப்பதிவு நடைபெற்று வருகிறது.
இந்த தொகுதியில் மீதமுள்ள 13 சட்டசபை தொகுதிக்கு உட்பட்ட பகுதிகளில் 2-வது கட்ட தேர்தல் நடைபெறும் வருகிற 26-ந்தேதி வாக்குப்பதிவு நடைபெறுகிறது.
முதற்கட்ட வாக்குப்பதிவு இன்று காலை 7 மணிக்கு தொடங்கி நடைபெற்று வருகிறது.
இந்த சூழலில், மாநிலத்தின் மொய்ராங் சட்டமன்ற தொகுதிக்கு உட்பட்ட தமன்போக்பியில் உள்ள வாக்குச் சாவடி அருகே இன்று திடீரென மர்ம நபர்கள் துப்பாக்கிச் சூடு நடத்தினர்.
இந்த துப்பாக்கிச் சூட்டில் பொதுமக்கள் யாருக்கும் காயமோ, உயிர்ச்சேதமோ ஏற்படவில்லை என்று தெரிவிக்கப்பட்டுள்ளது.
துப்பாக்கிச் சூடு சத்தத்தை கேட்டு, வாக்குச்சாவடியில் இருந்து மக்கள் அலறியடித்துக் கொண்டு வெளியே ஓடும் வீடியோ தற்போது சமூக வலைதளங்களில் வெளியாகி வைரலாகி வருகிறது Shooting in Manipur election.
இதையும் படிங்க : அய்யய்யோ ”எந்த பட்டனை அழுத்தினாலும் தாமரைக்கு லைட்..!