பேருந்தில் ஏற்பட்ட தகராறில் கீழே விழுந்து நடத்துநர் உயிரிழப்பு..!!

சென்னையில் ஓடும் பேருந்தில் ஏற்பட்ட தகராறில் கீழே விழுந்த பேருந்து நடத்துநர் உயிரிழந்த சம்பவம் பெரும் பரபரப்பை ஏற்படுத்தி உள்ளது.

சென்னை அண்ணா ஆர்ச் அருகே அரசுப் பேருந்தில் டிக்கெட் எடுக்கும்போது நடத்துநருக்கும், போதையில் இருந்த பயணிக்கும் இடையே தகராறு ஏற்பட்டுள்ளது . இந்த தகராறில், கைகலப்பாகி பேருந்தில் இருந்து கீழே விழுந்த நடத்துநர் ஜெகன் உயிரிழந்துள்ளார் .

எம்.கே.பி நகர் முதல் கோயம்பேடு செல்லும் 46G பேருந்தில் இச்சம்பவம் நடந்துள்ளது. நடத்துநருக்கு 2 பெண் குழந்தைகள் உள்ளனர்.

இந்நிலையில் தகராறில் ஈடுபட்ட பயணி கோவிந்தனை கைது செய்துள்ள போலீசார் அவர் மீது வழக்குப்பதிவு செய்து விசாரணை நடத்தி வருகின்றனர்.

Also Read : AI மீது ஏற்பட்ட அதீத காதல் – உயிரை மாய்த்துக் கொண்ட அமெரிக்க சிறுவன்..!!

ஆபாசமாக பேசுதல், அரசு ஊழியரை பணி செய்ய விடாமல் தடுத்தல், கொலை ஆகிய பிரிவுகளில் கோவிந்தன் மீது வழக்குப்பதிவு செய்யப்பட்டுள்ளது.

பணியில் இருந்த நடத்துநர் மீது தாக்குதல் நடத்திய போதை ஆசாமி அவரை பேருந்தில் இருந்து கீழே தள்ளிவிட்டு கொலை செய்த சம்பவம் பெரும் பரபரப்பை ஏற்படுத்தி உள்ளது.