உத்தரபிரதேச மாநிலத்தில் கணவர் குர்குரே தின்பண்டத்தை வாங்க மறந்ததால் மனைவி விவாகரத்து ( kurkure ) நோட்டீஸ் அனுப்பியுள்ள சம்பவம் நிகழ்ந்துள்ளது
உத்தரபிரதேச மாநிலத்தில் நொறுக்கு தீனியை தினம்தோறும் வயிறார உண்டு வந்த பெண் ஒருவர் தனது கணவரை தினமும் குர்குரே தின்பண்டத்தை வாங்கி வர சொல்லி உண்டு வந்துள்ளார் .
ஒருநாள் கணவர் அந்த தின்பண்டத்தை வாங்கி தர மறந்த நிலையில், கோபமடைந்த மனைவி, வீட்டை விட்டு வெளியேறி தனது பெற்றோர் வீட்டிற்கு சென்றுவிட்டார்.
சரி சின்ன கோபம் தான் மீண்டும் மனைவி வீட்டிற்கு வந்துவிடுவார் என்று ஆசையில் காத்திருந்த கணவருக்கு அதிர்ச்சி காத்திருந்துள்ளது . நாட்கள் மெதுவாக செல்ல ஒரு நாள் மனைவி விவாகரத்து கோரி தனது கணவருக்கு நோட்டீஸ் அனுப்பியுள்ளார்.
இந்த ஜோடிக்கு கடந்த ஆண்டு தான் திருமணம் நடைபெற்ற நிலையில் 5 ருபாய் மதிப்புள்ள ( kurkure ) தின்பண்டம் வாங்கி தர மறந்ததால் மனைவி விவாகரத்து கேட்டுள்ள சம்பவம் கணவர் வீட்டாரை பெரும் அதிர்ச்சியில் ஆழ்த்தியுள்ளது .