சென்னையில் பல கொடூர கொலைகளை செய்த பிரபல ரவுடியான ரோஹித் ராஜை துப்பாக்கியால் சுட்டுப்பிடித்த எஸ்.ஐ. கலைச்செல்வி மீது தாக்குதல் நடத்தப்பட்டுள்ளது.
கொலை கொள்ளை உள்ளிட்ட பல குற்ற வழக்குகளில் தேடப்பட்டு வந்த சரித்திர பதிவேடு குற்றவாளியான ரோகித் ராஜை கைது செய்ய போலீசார் தனிப்படை அமைத்து தேடப்பட்டு வந்த நிலையில் ரோஹித் சேத்துப்பட்டு பகுதியில் பதுங்கி இருப்பதாக போலீசாருக்கு ரகசிய தகவல் கிடைத்தது .
இதையடுத்து ரோஹித் ராஜை போலீசார் சுற்றி வளைத்த போது காவலர்களை தாக்கிவிட்டு அவர் தப்பிக்க முயன்றுள்ளார். இதையடுத்து காவல் உதவி ஆய்வாளர் கலைச்செல்வி ரோஹித்தின் காலை குறிபார்த்து சுட்டுள்ளார்.
இதில் காயமடைந்த ரோஹித் அந்த இடத்திலேயே சுருண்டு விழ அவருக்கு சிகிச்சை அளித்து தற்போது சிறையில் அடைக்கப்பட்டுள்ளார் .
தமிழகம் முழுவதும் இந்த சம்பவம் பெரும் பரபரப்பை ஏற்படுத்திய நிலையில் பிரபல ரவுடியை சுட்டுப்பிடித்த எஸ்.ஐ. கலைச்செல்விக்கு பாராட்டுக்கள் குவிந்தது.
Also Read : நாகை – இலங்கைக்கு இன்று முதல் கப்பல் போக்குவரத்து சேவை..!!
இந்நிலையில் தற்போது எஸ்.ஐ. கலைச்செல்வி மீது தாக்குதல் நடத்தப்பட்டுள்ளதாக அதிர்ச்சி தகவல் வெளியாகி உள்ளது.
டி.பி.சத்திரத்தில் மதுபோதையில் தகராறு செய்த சீதா என்ற பெண்ணை விசாரிக்க எஸ்.ஐ. கலைச்செல்வி நேரில் சென்றுள்ளார் . அப்போது தலைக்கேறிய போதையில் இருந்த சீதா எஸ்.ஐ. கலைச்செல்வியை கீழே தள்ளி தாக்கியுள்ளார்.
இதில் காயமடைந்த காவல் உதவி ஆய்வாளர் கலைச்செல்வி கீழ்ப்பாக்கம் அரசு மருத்துவமனையில் சிகிச்சைக்காக அனுமதிக்கப்பட்டுள்ளார். மேலும் போதையில் உலாத்திக்கொண்டிருந்த சீதாவையும் போலீசார் கைது செய்துள்ளனர்.