சென்னையில் சூட்கேஸில் துண்டு துண்டாக வெட்டப்பட்ட பெண் சடலம் கண்டெடுக்கப்பட்டுள்ள சம்பவம் பெரும் பரபரப்பை ஏற்படுத்தி உள்ளது.
சென்னை துரைப்பாக்கத்தில் பெண்ணை கொலை செய்து, உடலைத் துண்டு துண்டாக வெட்டி ரத்தம் சொட்ட சொட்ட சூட்கேஸில் அடைத்து சாலையோரம் வீசப்பட்டுள்ளதாக போலீசாருக்கு அப்பகுதி மக்கள் தகவல் தெரிவித்துள்ளனர்.
தகவல் அறிந்து சம்பவ இடத்திற்கு விரைந்து வந்த காவல்துறையினர் சடலத்தை மீது பிரேத பரிசோதனைக்காக அரசு மருத்துவமனைக்கு அனுப்பி வைத்தனர். இதையடுத்து இக்கொலை சம்பவம் குறித்து வழக்கு பதிந்து போலீசார் விசாரணையை தொடங்கினர்.
அப்போது சடலமாக இருந்தவர் மணலி பகுதியைச் சேர்ந்த தீபா என்பது தெரியவந்துள்ளது. சென்னை மாதவரத்தில் கடந்த 3 நாட்களுக்கு முன் காணாமல் போன தீபா என்ற பெண் தான் கொலை செய்யப்பட்டுள்ளார் என்றும் இந்த வழக்கில் தற்போது ஒருவர் கைது செய்யப்பட்டுள்ளதாகவும் முதற் கட்ட தகவல் வெளியாகி உள்ளது.