தமிழகத்தில் 10 வகுப்பு மாணவர்களுக்கான பொதுத்தேர்வு முடிவுகள் இன்று வெளியாகின. தமிழகத்தில் 10-ம் வகுப்புக்கான பொதுத்தேர்வு ஏப். 6 முதல் 20-ம்தேதி வரை நடத்தப்பட்டது. இதனை தொடர்ந்து, 10 வகுப்பு பொதுத்தேர்வு எழுதிய மாணவர்களின் விடைத்தாள் திருத்தும் பணிகள் ஏப். 15-ல் தொடங்கி மே 4-ம் தேதியுடன் நிறைவடைந்தன.
இதற்கிடையே, 10-ம் வகுப்பு பொதுத்தேர்வு முடிவுகள் மே 17-ம் தேதி, வெளியிடப்படும் என்று அறிவிக்கப்பட்டிருந்த நிலையில் பின்னர், தேர்வு முடிவுகள் மே 19-ம் தேதி வெளியிடப்படும் என்று சமீபத்தில் அறிவிக்கப்ட்டது.
அதன்படி, 10ம் வகுப்புகளுக்கான பொதுத்தேர்வு முடிவுகள் இன்று வெளியிடப்பட்டுள்ளன. இந்த தேர்வில் 91.39 % மாணவ, மாணவியர்கள் தேர்ச்சி பெற்றுள்ளனர். இதில் மாணவியர் 94.66% பேர் தேர்ச்சி பெற்றுள்ளனர். மாணவர்கள் 88.16% பேர் தேர்ச்சி பெற்றுள்ளனர். மாற்றுத்திறனாளிகள் – 89.77% பேரும், சிறைவாசிகள் – 42.42% பேரும் தேர்ச்சி பெற்றுள்ளனர். 1,026 அரசு பள்ளிகள் 100% தேர்ச்சி பெற்றுள்ளனர்.
![](https://i0.wp.com/itamiltv.com/wp-content/uploads/2023/05/image-41.png?resize=1150%2C647&ssl=1)
தேர்வு முடிப்வுகள் இன்று வெளியாகி உள்ள நிலையில் இந்த தேர்வு முடிவுகளை www.tnresults.nic.in, www.dge.tn.gov.in ஆகிய இணையதள முகவரிகளில் மாணவர்கள் அறிந்து கொள்ளலாம். இதுதவிர, பள்ளி மாணவர்கள் தாங்கள் படித்த பள்ளிகள் மூலமும் தேர்வு முடிவுகளை அறியலாம்.