தமிழகத்தில் 2022- 2022 ஆம் கல்வியாண்டிற்கான பொது தேர்வு அட்டவணைகளை தமிழக பள்ளிகல்வித் துறை அமைச்சர் அன்பில் மகேஷ் பொய்யாமொழி கடந்த ஆண்டு நவம்பர் மாதம் வெளியிட்டார்.
அதன்படி, 10ஆம் வகுப்பு பொதுத் தேர்வு ஏப்ரல் 6 முதல் ஏப்ரல் 20 வரையும், 11 ஆம் வகுப்பு பொதுத் தேர்வு மார்ச் 14 முதல் ஏப்ரல் 5 வரையும் நடைபெறும் என்று அறிவித்துள்ளார்.
அதே போல் 12 ஆம் வகுப்பு பொதுத் தேர்வு மார்ச் 13 முதல் ஏப்ரல் 3 வரை நடைபெறும் என்றும் தெரிவிக்கப்பட்டது. அதன்படி 12ஆம் வகுப்பு பொதுத்தேர்வை 8 லட்சம் மாணவ, மாணவிகள் எழுதவுள்ளனர். இந்த நிலையில் இன்று முதல் ஹால் டிக்கெட் விநியோகிக்கப்படும் என தேர்வுகள் துறை அறிவித்துள்ளது.
தொடர்ந்து அடுத்த மாதம் மாணவர்களுக்கு செய்முறைத் தேர்வு நடைபெற உள்ளதால், இன்று பிற்பகல் 2 மணி முதல் மாணவர்களுக்கு ஹால் டிக்கெட்டுகள் என அறிவிக்கப்பட்டுள்ளது.
இதையடுத்து, தேர்வுத்துறை இணையதளத்தில் இருந்து அனைத்து பள்ளிகளும் ஹால் டிக்கெட்டுகளை பதிவிறக்கம் செய்துகொள்ளலாம் என அறிவுறுத்தப்பட்டுள்ளது.
இதேபோல முதுநிலை பொறியியல் படிப்புகளுக்கான கேட் (GATE) நுழைவுத் தேர்வுக்கு ஹால் டிக்கெட் வெளியிடப்பட்டுள்ளது. gate.iitk.ac.in என்ற இணையதளத்தில் பதிவிறக்கம் செய்து கொள்ளலாம். இந்த தேர்வு பிப்ரவரி 4 முதல் 12-ம் தேதி வரை தேர்வு நடைபெறுகிறது.
