சென்னையில் 19 கிலோ எடைகொண்ட கேஸ் சிலிண்டர் விலை ரூ.92.50 குறைந்து, இன்று முதல் ரூ.1852க்கு விற்பனை செய்யப்படுகிறது.
சர்வதேச சந்தையில் நிலவும் கச்சா எண்ணையின் விலைக்கு ஏற்ப இந்தியாவில் பெட்ரோல், டீசல் மற்றும் சமையல் எரிவாயு சிலிண்டர்களின் விலையில் மாற்றம் செய்யப்பட்டு வருகிறது.
அதன் படி ஒவ்வொரு மாதமும் முதல் நாள் சமையல் எரிவாயு சிலிண்டரின் விலை மாற்றியமைக்கப்படும். அந்த வகையில் சென்னையில் ஆகஸ்ட் முதல் நாளான இன்று கேஸ் சிலிண்டர் விலை அதிரடியாக குறைந்துள்ளது. அதன்படி உணவகங்களில் பயன்படுத்தப்படும் 19 கிலோ வணிக சிலிண்டர் விலை ரூ.93 குறைந்து ரூ.1852க்கு விற்பனை செய்யப்படுகிறது.
இதன்மூலம் சுமார் 2 ஆண்டுகளுக்குப் பின்னர் வர்த்தக சிலிண்டர் விலை ஆயிரத்து 850 ரூபாயை தொட்டுள்ளது. முன்னதாக கடந்த 2021ஆம் ஆண்டு செப்டம்பர் மாதம் வர்த்தக சிலிண்டர் விலை ஆயிரத்து 831 ரூபாயாக இருந்தது குறிப்பிடத்தக்கது.
அதேநேரத்தில் வீட்டு உபயோக சிலிண்டருக்கான விலையில் இன்று எந்த மாற்றமும் இன்றி ரூ.1,118 ஆக விற்பனை செய்யபடுகிறது
