இந்தூரில் இன்று நடைபெறும் 2வது ஒரு நாள் போட்டியில் இந்திய அணி ஆஸ்திரேலிய அணியை எதிர்கொள்ள உள்ளது.
இந்தியாவிற்கு சுற்றுப்பயணம் மேற்கொண்டுள்ள கம்மின்ஸ் தலைமையிலான ஆஸ்திரேலிய அணி, 3 ஆட்டங்கள் கொண்ட ஒருநாள் தொடரில் விளையாடுகிறது.
இதில் பஞ்சாப் மாநிலம் மொகாலியில் நேற்று முன்தினம் நடைபெற்ற முதல் ஒரு நாள் போட்டியில் பந்துவீச்சிலும் , பேட்டிங்கிலும் சிறப்பாக செயல்பட்ட இந்திய அணி தனது முதல் வெற்றியை பதிவு செய்தது.
இந்நிலையில் இந்தூரில் உள்ள கிரிக்கெட் மைதானத்தில் இன்று நடைபெறும் 2வது ஒருநாள் போட்டியில் இந்தியா மற்றும் ஆஸ்திரேலியா அணிகள் பலப்பரீட்சை நடத்த உள்ளது .
தொடர் ஆட்டத்தால் இந்திய அணியின் மூத்த வீரர்களான கேப்டன் ரோகித் சர்மா, விராட்கோலி, ஆல்-ரவுண்டர் ஹர்திக் பாண்ட்யா, குல்தீப் யாதவ் ஆகியோருக்கு ஆஸ்திரேலியா அணிக்கு எதிரான முதல் ஒரு நாள் போட்டியில் ஓய்வு கொடுக்கப்பட்டிருந்த நிலையில் இன்றைய போட்டியிலும் அவர்களுக்கு ஓய்வு அளிக்கப்பட்டுள்ளது.
இந்நிலையில் இன்று மதியம் இந்திய நேரடி சரியாக 1.30 மணிக்கு தொடங்கும் இந்த போட்டியில் எந்த அணி வெல்லப்போகிறது எந்த அணி தோல்வியை சந்திக்க போகிறது என்பதை நாம் காத்திருந்து பார்க்கலாம்.
