திரையரங்குகளில் வசூல் வேட்டை நடத்தும் மாவீரன்..! மூன்று நாட்களில் எவ்ளோ வசூல் தெரியுமா..?

தமிழ் சினிமாவில் உச்சத்தில் இருக்கும் டாப் ஹீரோக்களில் ஒருவராக வலம் வரும் சிவகார்த்திகேயனின் மாறுபட்ட நடிப்பில் உருவாகியுள்ள படம் மாவீரன் . கடந்த 14 ஆம் தேதி உலகம் முழுவதும் உள்ள திரையரங்குகளில் கோலாகலமாக வெளியான இப்படம் ரசிகர்களின் அமோக ஆதரவை பெற்று வசூல் வேட்டை நடத்தி வருகிறது .

யோகி பாபுவை வைத்து மண்டேலா என்ற டாப்பு டக்கர் கமெர்சியல் படத்தை இயக்கிய மடோன் அஸ்வின் இயக்கத்தில், எஸ்.கேவின் நடிப்பில் புதுவித கதைக்களத்தில் உருவாகியுள்ள மாவீரன் படத்திற்கு வசூல் ரீதியாகவும் விமர்சன ரீதியாகவும் நல்ல வரவேற்பு கிடைத்து வருகிறது .

குடும்பங்கள் கொண்டாடும் படமாக உருவெடுத்துள்ள இப்படத்தில் எஸ்.கே-வுக்கு ஜோடியாக இயக்குனர் ஷங்கரின் செல்ல மகள் அதிதி நடிக்க சுனில், யோகி பாபு, சரிதா, மிஸ்கின் உள்ளிட்ட பல முன்னணி நட்சத்திரங்கள் முக்கிய கதாபாத்திரங்களில் நடித்துள்ளனர்.மேலும் இப்படத்தில் மக்கள் செல்வன் விஜய்சேதுபதி தனது குரல் மூலம் நடித்திருப்பது குறிப்பிடத்தக்கது.

அருண் விஷ்வாவின் சாந்தி டாக்கிஸ் தயாரிப்பில் பிரம்மாண்ட பட்ஜெட்டில் உருவான இப்படம் ரசிகர்கள் மத்தியில் நல்ல வரவேற்பை பெற்று வரும் நிலையில் மூன்று நாட்களில் தமிழகத்தில் ரூ. 27 கோடி வரை வசூல் செய்துள்ளது. மேலும் உலகளவில் ரூ. 47 கோடிக்கும் மேல் வசூல் செய்து சாதனை படைத்துள்ளதாக தகவல் வெளியாகியுள்ளது .

இதுமட்டுமல்லாமல் இனி வரும் நாட்களிலும் மாவீரன் படத்திற்கு நல்ல வசூல் கிடைக்கும் என சினிமா வட்டாரங்கள் தகவல் தெரிவித்துள்ளனர் .