ஜம்மு-காஷ்மீரில் தீவிரவாதிகளுடனான மோதலில் 2 அதிகாரிகள் உள்பட ராணுவத்தினர் 4 பேர் உயிரிழந்துள்ள சம்பவம் பெரும் சோகத்தை ஏற்படுத்தி உள்ளது.
ஜம்மு-காஷ்மீரில் , ரஜோரி பகுதியில் தீவிரவாதிகள் பதுங்கி இருப்பதாக வெளியான தகவலை அடுத்து ராணுவத்தினர் தேடுதல் வேட்டையில் ஈடுபட்டனர். அப்போது பதுங்கியிருந்த தீவிரவாதிகள் இந்திய ராணுவ வீரர்களை நோக்கி கடுமையான துப்பாக்கிச்சூடு நடத்தியுள்ளனர்.
நீண்ட நேரம் நடைபெற்ற இந்த மோதலில் தீவிரவாதிகள் காயமடைந்து உள்ளதாகவும், அவர்களை ராணுவத்தினர் சுற்றி வளைத்து உள்ளதாகவும் தெரிவிக்கப்பட்டுள்ளது. தீவிரவாதிகளுடனான இந்த மோதலின்போது போது ராணுவத்தை சேர்ந்த நான்கு வீரர்கள் உயிரிழந்துள்ளதாக தகவல் வெளியாகி உள்ளது
இதையடுத்து அந்த பகுதியில் சந்தேகத்திற்கிடமான வகையில் வேறு ஏதும் நடக்கிறதா என பாதுகாப்பு படையினர் தொடர் தேடுதல் வேட்டையில் ஈடுபட்டு வருகின்றனர்.
