புதுக்கோட்டையில் ஒரே குடும்பத்தைச் சேர்ந்த 5 பேர் காரில் சடலமாக கண்டெடுக்கப்பட்ட சம்பவம் பெரும் அதிர்ச்சியையும் பரபரப்பையும் ஏற்படுத்தியுள்ளது.
புதுக்கோட்டை – மதுரை தேசிய நெடுஞ்சாலையில் நமனசமுத்திரம் என்னும் பகுதிக்கு அருகே சாலையோரமாக ஒரு கார் நீண்ட நேரமாக நின்றுள்ளது . நீண்ட நேரமாக கார் நின்றுகொண்டிருப்பதை கண்டு சந்தேகமடைந்த அப்பகுதி மக்கள் காவல்துறையினருக்கு தகவல் கொடுத்துள்ளனர்.
Also Read : தெலங்கானா திருப்பதி கோயில் லட்டு பிரசாதத்திலும் கலப்படம் – வெளியான அதிர்ச்சி தகவல்..!!
இதையடுத்து சம்பவ இடத்திற்கு விரைந்து வந்த காவல்துறையினர் காரை சோதனை செய்து பார்த்ததில் அதில் 2 பெண்கள் உள்பட 5 பேர் சடலமாக இருந்துள்ளனர் . இதனையடுத்து உடல்களைக் கைப்பற்றி விசாரணை மேற்கொண்டதில், 5 பேரும் ஒரே குடும்பத்தைச் சேர்ந்தவர்கள் என்பது தெரியவந்தது.
பின்னர் இச்சம்பவம் குறித்து வழக்கு பதிந்து விசாரணை மேற்கொண்டதில் சேலம் மாவட்டத்தைச் சேர்ந்த மணிகண்டனம் மற்றும் அவரது குடும்பத்தினர் என்பதும், தொழிலில் ஏற்பட்ட நஷ்டம் காரணமாக குடும்பத்துடன் தற்கொலை செய்து கொண்டதும் தெரியவந்துள்ளது.
