“தமிழகத்தில் 500 மதுக்கடைகள் இன்று முதல் மூடல்”

தமிழகத்தில் பட்டியலிடப்பட்ட 500 மதுக்கடைகள் தமிழக அரசின் உத்தரவின்படி இன்று முதல் மூடப்படுகிறது.

இதுகுறித்து டாஸ்மாக் நிர்வாகம் வெளியிட்டுள்ள செய்திக்குறிப்பில் கூறிருப்பதாவது :

500 மதுபான சில்லறை விற்பனைக் கடைகள் உடனடியாக மூடப்படும் என தமிழ்நாடு முதலமைச்சர் உத்தரவின்படி மின்சாரம், மதுவிலக்கு மற்றும் ஆயத்தீர்வைத் துறை அமைச்சர் அவர்களால் சட்டப்பேரவையில் மதுவிலக்கு மற்றும் ஆயத்தீர்வை மானியக் கோரிக்கையின் போது 500 மதுபான சில்லறை விற்பனைக் கடைகள் கண்டறியப்பட்டு மூடப்படும் என்று அறிவிக்கப்பட்டது.

மேற்படி, அறிவிப்பிற்கிணங்க 500 மதுபான சில்லறை விற்பனைக் கடைகளைக் கண்டறிந்து மூடிட அரசாணை எண்.140, உள், மதுவிலக்கு மற்றும் ஆயத்தீர்வை துறை வெளியிட்டது.

இந்நிலையில் அரசாணையை செயல்படுத்தும் விதமாக மாநிலம் முழுவதும் உள்ள மதுபான சில்லறை விற்பனைக் கடைகளில் 500 கடைகளை கண்டறிந்து அவற்றை 22.6.2023 இன்று முதல் மூட உத்தரவு பிறப்பிக்கப்பட்டுள்ளது.

இதையடுத்து பட்டியலிடப்பட்ட 500 மதுபான சில்லறை விற்பனைக் கடைகள் 22.6.2023 முதல் செயல்படாது என்று தெரிவித்துக் கொள்ளப்படுகிறது என்று குறிப்பிடப்பட்டுள்ளது.