நடிகர் ரோபோ சங்கர் தனது குடும்பத்துடன் சென்று நடிகர் கமல்ஹாசனிடம் ஆசிப்பெற்ற வீடியோ மற்றும் புகைப்படங்கள் சமூக வலத்தளங்களில் வைரலாகி வருகின்றன.
ஸ்டாண்ட் அப் காமெடியனாக அறியப்பட்ட ரோபோ சங்கர், பின்னர் விஜய் டிவியில் ஒளிபரப்பான கலக்கப்போவது யாரு என்ற நிகழ்ச்சியின் மூலம் மக்கள் மத்தியில் மிகவும் பிரபலமானார்.
இதனைத் தொடர்ந்து வெள்ளித்திரையில் விஸ்வாசம், மிஸ்டர் லோக்கல், ஹீரோ, தி லெஜண்ட், மாரி உள்ளிட்ட பல படங்களில் நடித்துள்ளார். காமெடியனாகவும், குணச்சித்திர நடிகராகவும் நடித்து வந்த அவருக்கு, ரசிகர்கள் கூட்டமும் ஏராளம்.
இப்படி படங்களில் பிஸியாக நடித்து வந்த அவருக்கு, சமீபத்தில் திடீரென உடல்நலக் குறைவு ஏற்பட்டது. மிகவும் உடல் மெலிந்த தோற்றத்தில் இருக்கும் புகைப்படங்கள் சமூக வலைத்தளங்கள் வெளியாகி ரசிகர்களை அதிர்ச்சியில் ஆழ்த்தியது. ஆனால் ரோபோ சங்கர் உடல்நிலை குறித்து பல வதந்திகள் பரவியது.
இந்த நிலையில் தனக்கு மஞ்சள் காமாலை நோய் வந்ததாகவும், தனது தனது உடல் மெலிவுக்கு இது தான் காரணம் எனவும் ரோபோ சங்கர் கூறி இருந்தார். தற்போது மீண்டும் பழைய நிலைக்கு திரும்பி வரும், ரோபோ சங்கர் மீண்டும் படங்களில் பிசியாக நடித்து வருகிறார்.
இந்நிலையில், நடிகர் ரோபோ சங்கர் தனது குடும்பத்துடன் நடிகர் கமல்ஹாசனை சந்தித்து ஆசிப்பெற்றுள்ளார். இதுதொடர்பான வீடியோ மற்றும் புகைப்படங்கள் சமூக வலைதளத்தில் வைரலாகி வருகிறது.
