லோகேஷ் கனகராஜ் இயக்கத்தில் ரஜினிகாந்த் நடிக்கும் ‘கூலி’ படத்தில் பிரபல தென்னிந்திய நடிகர் சத்யராஜ் நடிக்க உள்ளதாக அதிகாரபூர்வமாக அறிவிக்கப்பட்டுள்ளது.
லோகேஷ் கனகராஜ் இயக்கத்தில் ரஜினி நடிக்கும் படம் ‘கூலி’ படத்துக்கு அனிருத் இசையமைக்கிறார். சன்பிக்சர்ஸ் இப்படத்தை தயாரிக்கும் நிலையில், படப்பிடிப்பு விறுவிறுப்பாக நடைபெற்று வருகிறது.
மேலும், படத்தில் முக்கிய கதாபாத்திரங்களில் பல முன்னை நடிகர் நடிகைகள் நடிக்க இருப்பதாகவும் கூறப்படுகிறது . இந்நிலையில் இப்படத்தில் நடிக்க இருக்கும் நட்சத்திரங்களின் போஸ்டர்களை படக்குழு அடுத்தடுத்து வெளியிட்டு ரசிகர்களை குஷிப்படுத்தி வருகிறது.
Also Read : TNPSC EXAM – கல்வித் தகுதி மாற்றியமைப்பு..!! .
இந்நிலையில் இன்று வெளியாகியுள்ள போஸ்டரில் ப்ளாக் அன்ட் வொயிட்டில் மாஸான லுக்கில் நடிகர் சத்யராஜ் இருக்கும் போஸ்டர் ஒன்றை வெளியிட்டு கூலி படத்தில் சத்யராஜ் இணைந்திருப்பதை படக்குழு உறுதி செய்துள்ளது .
படத்தில் சத்யராஜ் ராஜசேகர் என்னும் கதாபாத்திரத்தில் நடிக்க உள்ள நிலையில் அவருக்கு தற்போது வாழ்த்துக்கள் குவிந்து வருகிறது .
முன்னதாக இப்படத்தில் சவுபின் ஷாயிரின் மற்றும் நாகர்ஜுனா , ஸ்ருதிஹாசன் இருக்கும் கதாபாத்திரங்களின் போஸ்டர் வெளியாகி இருந்த நிலையில் தற்போது சத்யராஜின் போஸ்டரும் வெளியாகி ரசிகர்கள் மத்தியில் வரவேற்பை பெற்று வருகிறது .
