பொங்கல் ரேஸில் இணைந்த அருண் விஜய்யின் ‘வணங்கான்’ – ரிலீஸ் தேதியை அறிவித்தது படக்குழு..!!

நடிகர் அருண் விஜய் இன்று அவரது 47 ஆவது பிறந்தநாளை கொண்டாடி வரும் நிலையில் அவரது நடிப்பில் உருவாகி உள்ள வணங்கான் படத்தின் ரிலீஸ் தேதியை அறிவித்து படக்குழு அவருக்கு வாழ்த்து தெரிவித்துள்ளது.

சுரேஷ் காமாட்சியின் வி ஹவுஸ் புரொடக்சன்ஸ் மற்றும் இயக்குநர் பாலாவின் ‘பி ஸ்டுடியோஸ்’ இணைந்து தயாரிக்க பாலாவின் இயக்கத்தில் உருவாகி உள்ள திரைப்படமே ‘வணங்கான்’.

இப்படத்தில் அருண்விஜய் கதாநாயகனாக நடிக்க கதாநாயகியாக ரோஷினி பிரகாஷ் நடிக்கிறார். முக்கிய வேடங்களில் சமுத்திரக்கனி, மிஷ்கின், ராதாரவி, ஜான் விஜய், ரவிமரியா, சிங்கம்புலி, அருள்தாஸ் உள்ளிட்ட பலர் நடிக்கின்றனர்.

இப்படத்திற்கு ஜி.வி.பிரகாஷ் இசையமைக்க பின்னணி இசையை சாம் சி.எஸ் மேற்கொள்கிறார். ஒளிப்பதிவை ஆர்.பி.குருதேவ் மேற்கொள்ள படத்தொகுப்பை சதீஷ் சூர்யா கவனிக்கிறார். கலை இயக்குனராக ஆர்.பி.நாகு பொறுப்பேற்றுள்ளார். ஆக்சன் காட்சிகளை ஸ்டண்ட் சில்வா வடிவமைத்துள்ளார்.

Also Read : மணிப்பூர் பிரச்னைக்கு தீர்வு காண இதை செய்யுங்கள் – ப.சிதம்பரம் அறிவுரை..!!

‘மாநாடு’ என்கிற பிளாக் பஸ்டர் வெற்றி படத்தை தொடர்ந்து வி ஹவுஸ் நிறுவனம் தயாரிக்கும் படம் என்பதுடன், இயக்குநர் பாலாவின் இயக்கத்தில் ஆறு வருட இடைவெளிக்கு பிறகு வெளியாகும் படம் என்பதாலும் இந்த படத்தின்மீது ரசிகர்கள் மத்தியில் மிகப்பெரிய எதிர்பார்ப்பு நிலவி வருகிறது.

ஏற்கனவே ‘வணங்கான்’ படத்தின் பர்ஸ்ட்லுக் போஸ்டர் மற்றும் டீசர் ஆகியவை வெளியாகி ரசிகர்களிடம் வரவேற்பை பெற்றுள்ள நிலையில் அருண் விஜய்யின் பிறந்தநாளை முன்னிட்டு இன்று இப்படத்தின் ரிலீஸ் தேதியை படக்குழு வெளியிட்டுள்ளது.

அதன்படி ‘வணங்கான்’ திரைப்படம் வரும் பொங்கல் பண்டிகை வெளியீடாக ஜன-10 2025 ஆம் தேதி முதல் திரையரங்குகளில் கோலாகலமாக வெளியாக உள்ளதாக சிறப்பு போஸ்டர் மூலம் படக்குழு அதிகாரப்பூர்வ தகவலை வெளியிட்டுள்ளது.