ஆஸ்திரேலிய அணிக்கு எதிரான பார்டர் கவாஸ்கர் கோப்பை தொடரில் இந்திய அணியின் சிறப்பான பந்து வீச்சால், ஆஸ்ட்ரேலியா முதல் டெஸ்ட் போட்டியில் இன்னிங்ஸ் தோல்வியை தழுவியது. ஆஸ்ட்ரேலிய அணி இதுவரை விளையாடிய டெஸ்ட் போட்டிகளில் இது 2 வது குறைந்த இன்னிங்ஸ் ரன்னாகும். அந்த அளவிற்கு இந்திய சுழல் பந்தின் தாக்கம் இருந்தது.
குறிப்பாக முதல் டெஸ்ட் போட்டியில் மூத்த சுழல் பந்து வீச்சாளர் அஷ்வின் ஆஸ்ட்ரேலிய பேட்ஸ்மேன்களுக்கு சிம்ம சொப்பனமாக இருந்தார். முதல் இன்னிங்சில் 42 ரன்கள் கொடுத்து 3 விக்கெட்டும், இரண்டாவது இன்னிங்கசில் 5 விக்கெட்டையும் கைப்பற்றினார். முதல் போட்டியில் மொத்தமாக 8 விக்கெட்டை கைபற்றிய அஷ்வின் குறைந்த டெஸ்ட் இன்னிங்கசில் 450 விக்கெட்களை எடுத்த 2 வது வீரர் என்ற பெருமையை பெற்றார்.
மேலும் இது அவருக்கு 31 வது முறை கைபற்றும் 5 விக்கெட் ஆகும். இந்திய மைதானத்தில் இது அவருக்கு 26 வது முறை கைபற்றும் 5 விக்கெட்டாகும். இதற்கு முன்னதாக இந்த சாதனையின் சொந்தகாரர் இந்திய சுழல் பந்து வீச்சாளர் கும்ப்ளே தான். தற்போது அந்த சாதனையை அஷ்வின் சமன் செய்துள்ளார். மேலும் ஆஸ்திரேலிய அணிகக்கு எதிராக டெஸ்ட் போட்டிகளில் 111 விக்கெட்களை கைபற்றி கும்ப்ளே முதல் இடத்தில் இருக்கிறார்.
இவரை தொடர்ந்து 97 விக்கெட்களை வீழ்த்தி அஷ்வின் இரண்டாவது இடத்தில் உள்ளார்.
முன்பு இந்திய சுழல் பந்து வீச்சாளர் ஹர்பஜன் 95 விக்கெட்களை வீழ்த்தி இரண்டாம் இடத்தில் இருந்தார். அந்த இடத்தை தற்போது அஷ்வின் கைபற்றியுள்ளார். கும்ப்ளேவின் சாதனையான 111 விக்கெட்களை கைபற்ற 15 விக்கெட் மட்டுமே உள்ளதால், இந்த தொடர் முடிவதற்குள் அஷ்வின் அந்த சாதனையையும் முறியடிக்க வாய்ப்புள்ளது.