விறுவிறுப்பாக நடைபெற்று வரும் ஆசிய கோப்பை கிரிக்கெட் தொடரின் சூப்பர் 4 சுற்றில் இன்று இலங்கை மற்றும் இந்தியா அணிகள் மல்லுக்கட்ட உள்ளது.
16-வது ஆசிய கோப்பை கிரிக்கெட் போட்டி இலங்கை மற்றும் பாகிஸ்தான் நாடுகளில் விறுவிறுப்புக்கு பஞ்சமில்லாமல் நடந்து வருகிறது. இந்த தொடரில் பங்கேற்றுள்ள 6 அணிகள் விளையாட்டின் விதிமுறைப்படி இரு பிரிவுகளாக பிரிக்கப்பட்டு லீக் சுற்றில் விளையாடியது .
லீக் சுற்று முடிவில் இரு பிரிவிலும் முதல் இரு இடங்களை எட்டி பிடித்த அணிகள் சூப்பர்4 சுற்றுக்கு தகுதி பெற்று தற்போது விளையாடி வருகிறது .
அந்தவகையில் நேற்று நடைபெற்ற போட்டியில் இந்தியா – பாகிஸ்தான் அணிகள் மோதினா பேட்டிங் மற்றும் பந்துவீச்சில் சிறப்பாக செயல்பட்ட இந்திய அணி பாகிஸ்தான் அணியை 228 ரன்கள் வித்தியாசத்தில் கெத்தாக வீழ்த்தியது.
இதையடுத்து ஆசிய கோப்பை கிரிக்கெட் தொடரின் சூப்பர் 4 சுற்றில் இன்று பிற்பகல் 3 மணிக்கு நடைபெறும் ஆட்டத்தில் இந்தியா – இலங்கை அணிகள் மல்லுக்கட்ட உள்ளது .
பாகிஸ்தானுக்கு எதிரான போட்டியில் வெற்றி பெற்ற களிப்புடன் இன்று இலங்கையை எதிர்கொள்கிறது இந்தியா அணி . மறுபுறம் தொடர்ச்சியாக 13 ஒருநாள் போட்டிகளில் வெற்றிகளை குவித்துள்ள இலங்கை அணியும் இந்தியாவை வெல்ல முனைப்பில் உள்ளது .
இந்நிலையில் இன்று நடைபெற இருக்கும் இந்த அனல் பறக்கும் போட்டியில் எந்த அணி வெல்லப்போகிறது எந்த அணி தோல்வியை சந்திக்கபோகிறது என்பதை நாம் காத்திருந்து பார்க்கலாம்.
