பிரபல வங்கதேச திரைப்பட நடிகை ஹுமைரா ஹிமு (37) மர்மமான முறையில் உயிரிழந்துள்ளார்.
பிரபல நடிகை ஹுமைரா ஹிமுவை அவரது நண்பர் ஒருவர் டாக்காவில் உள்ள உத்தாரா அதுநிக் மருத்துவக் கல்லூரி மருத்துவமனையில் சேர்த்துள்ளார். அவரை பரிசோதித்த மருத்துவர்கள் ஹுமைரா ஹிமு ஏற்கெனவே இறந்து விட்டதாக தெரிவித்தனர்.
ஆனால் அவர் கழுத்தில் காயங்கள் இருந்துள்ளது. அது மட்டும் இன்றி ஹுமைரா ஹிமுவை மருத்துவமனையில் சேர்க்க வந்த ஆண் நண்பர் பரிசோதித்து கொண்டிருக்கும் போதே அங்கிருந்து சென்றுவிட்டார்.
இதனால் சந்தேகம் அடைந்த மருத்துவமனை நிர்வாகம் இந்த சம்பவம் குறித்து காவல்துறைக்கு தகவல் தெரிவித்தது. விரைந்து வந்த போலீசார் நடிகையின் கழுத்தில் காயங்கள் காணப்பட்டதால், இதை மர்ம மரணமாக வழக்குப் பதிவு செய்து விசாரணை நடத்தி வருகின்றனர்.
நடிகை ஹுமைராவை மருத்துவமனையில் சேர்த்த நபர் மற்றும் ஹுமைரா ஹிமுவின் ஆண் நண்பர் ஆகிய இருவரையும் காவல்துறையினர் தேடிய நிலையில், ஆண் நண்பரை போலீசார் கைது செய்து விசாரணை நடத்தி வருகின்றனர்.
![](https://i0.wp.com/itamiltv.com/wp-content/uploads/2023/11/image-151.png?resize=1024%2C570&ssl=1)
இதனிடையே நடிகையின் உடல் பிரேத பரிசோதனைக்காக அனுப்பப்பட்டுள்ளது. அதன்பிறகே இறப்புக்கான காரணம் தெரியவரும் என போலீஸார் தெரிவித்துள்ளனர்.