தனியார் வங்கியில் வாடிக்கையாளர்கள் அடமானம் வைத்த நகைகளை வைத்து நடந்த மாபெரும் மோசடியில் வங்கியில் பணியாற்றிய ஊழியர்கள் கொத்தாக சிக்கி உள்ள சம்பவம் பெரும் பரபரப்பை ஏற்படுத்தி உள்ளது.
சிவகங்கை மாவட்டம் காரைக்குடி அருகே உள்ள ICICI வங்கியில் வாடிக்கையாளர்களின் ₹2 கோடி மதிப்புள்ள 533 சவரன் தங்க நகைக்கு பதிலாக கவரிங் நகைகளை வைத்து மோசடி செய்யப்பட்டுள்ளது .
Also Read : வாய்மொழியில் வித்தை காட்ட வேண்டாம் – தொண்டர்களுக்கு கடிதம் எழுதிய விஜய்..!!
இந்த சம்பவம் பெரும் பரபரப்பை ஏற்படுத்தி உள்ள நிலையில் இதுகுறித்து வழக்கு பதிவு செய்து தீவிர விசாரணையில் போலீசார் இறங்கிய நிலையில் தற்போது இந்த மோசடி சம்பவத்தில் வங்கி மேலாளர் உள்ளிட்ட 4 பேர் கைது செய்யப்பட்டுள்ளனர்.
மண்டல மேலாளர் தலைமையில் வங்கியில் நடைபெற்ற ஆய்வின்போது இந்த உண்மை தெரியவந்துள்ளது. கைதான 4 பேரில் ஒருவர் அதே ஊரைச் சேர்ந்தவர் என்பதும் மற்ற 3 பேரும் வங்கி ஊழியர்கள் என்பதும் விசாரணையில் தெரியவந்துள்ளது.
