இன்டர்நெட் உலகில், தங்களது காதலை வெற்றியடையச் செய்ய விரும்பும் பலரும் நாடும் காதல் குருவாக மாறி இருக்கிறது “Chat Gpt “.
“உண்மை காதல் யாரென்றால் உன்னை என்னை சொல்வேனே” என உருகும் காதலர்கள் தங்கள் ஆழ் மனதில் இருக்கும் காதலை வெளிப்படுத்த தெரியாமல் தவித்து வருகின்றனர்.
மனதில் இருப்பதை ஒரு கடிதம் மூலமாக எழுதி வெளிப்படுத்த நினைத்தாலும், ஒரு அழகான மொழி நடையில் எழுத முடிவதில்லை. அவர்களுக்கெல்லாம் வழித்துணையாக வந்திருக்கிறது, Chat Gpt..
இனி காதல் கடிதம் எழுத தெரியவில்லை என்ற கவலை துளியும் வேண்டாம். இருக்கவே இருக்கு நம்ம Chat Gpt என்று, செயற்கை நுண்ணறிவு தொழில்நுட்பத்தை தேடி படையெடுக்கின்றனர் இளைஞர்கள்.
நாம் கேட்கும் கேள்விகளுக்கு எல்லாம் சட்டென்று மிகத் துல்லியமாக பதில் அளித்து வருகிறது Chat Gpt. மேலும், பல தேர்வுகளிலும் மாணவர்களை தேர்ச்சி பெறச் செய்து வரும் Chat Gpt, நிச்சயமாக தங்களை காதலிலும் வெற்றி பெறச் செய்யும் என்று நம்புகின்றனர் காதலில் விழுந்த இளைஞர்கள்.
Chat Gpt யிடம் லவ் லெட்டர் எழுதி கேட்டவர்களில் இந்தியர்களே முதல் இடத்தில் இருக்கின்றனர் என தகவல்கள் கூறுகின்றன. இதற்காக, 5000 பேரிடம் நடத்தப்பட்ட ஆய்வின் முடிவுகளில், பதினெட்டு வயதிற்கு மேற்பட்ட 62% பேர் Chat Gpt யிடம் லவ் லெட்டர் எழுதி கேட்டுள்ளனர்.
மேலும், 73% இந்தியர்கள் தங்களின் டேட்டிங் ப்ரொபைலை தயார் செய்வதற்கும் இந்த செயற்கை தொழில்நுட்பத்தை நாடி இருக்கின்றனர்.
அதேபோல், முகம் தெரியாத வெளிநாட்டவர்களிடம் சமூக வலைத்தளங்களில், கலந்துரையாடுவதர்க்கும் இந்த செயற்கை தொழில் நுட்பத்தை பயன்படுத்தும் இளைஞர்களில், 89% பேர் இந்தியர்கள் என முதலிடத்தில் இருக்கின்றனர்.
மேலும், ஆங்கிலத்தில் தனது காதலியை இம்ப்ரஸ் செய்வதற்கு பெரும் சிக்கலாக இருப்பது இலக்கணம் தான். அந்த இலக்கண பிழைகளை தடுக்கவும், தைரியமாக தனது காதலியிடம் சென்று காதலை வெளிப்படுத்தவும் உதவும் காதல் குருவாக மாறி இருக்கிறது இந்த “Chat Gpt”.