நடிகர் தாடி பாலாஜியின் (Dadi Balaji’s) மனைவி நித்யா அவரை பிரிந்து வாழும் நிலையில், எதிர் வீட்டில் வசிக்கும் ஓய்வு பெற்ற ஆசிரியர் ஒருவரின் காரை சேதப்படுத்திய வழக்கில் அதிரடியாக கைது செய்யப்பட்டுள்ளார்.
ஆத்திரத்தால் செய்த விபரீத செயல்… cctv காட்சிகளால் சிக்கினார்..
நடிகர் தாடி பாலாஜி திரைப்படங்கள் மற்றும் தொலைக்காட்சி நிகழ்ச்சிகளின் மூலம் பிரபலமானவர் நடிகர் தாடி பாலாஜி (Dadi Balaji’s). மேலும், பிக் பாஸ் பிரபலமான இவரது மனைவி நித்யா. இவர்களுக்கு பெண் குழந்தை ஒருவரும் உள்ளார். இந்த நிலையில் தாடி பாலாஜியுடன் ஏற்பட்ட கடுத்துவேறுபாடு காரணமாக நித்யா அவரை பிரிந்து சென்றார்.
இதற்கிடையில், பிரபல தொலைகாட்சி நிகழ்ச்சியான பிக்பாஸ் நிகழ்ச்சியில் கணவர் தாடி பாலாஜியுடன் சேர்வது போல நடித்தார் நித்யா. ஆனால், உண்மையில் அவருடன் சேர்ந்து வாழாமல் மாதவரம் பொன்னியம்மன் மேடு 2 வது தெருவில் தனது மகளுடன் தனியாக வசித்து வருகின்றார்.
இந்நிலையில், தனது வீட்டின் எதிரே கார் நிறுத்துவது தொடர்பாக நித்தியாவுக்கும், எதிர் வீட்டில் வசிக்கும் ஓய்வு பெற்ற ஆசிரியரான மணி என்பவருக்கும் தகராறு ஏற்பட்டுள்ளது. இதனையடுத்து, சம்பவத்தன்று காலையில் எஹிர் வீட்டில் வசிக்கும் ஆசிரியர் மணியின் காரில் சரமாரியாக கோடு கிழிக்கப்பட்டிருந்தது.
இதையடுத்து, சந்தேகமடைந்த அவர் அங்குள்ள சிசிடிவி காட்சிகளை ஆய்வு செய்த போது இரவு நேரத்தில் கையில் கல் ஒன்றை எடுத்து வந்த நித்யா அவரது காரை சேதப்படுத்தியது தெரியவந்தது.
இதையடுத்து, நித்தியா மீது அவர் காவல் நிலையத்தில் புகார் அளித்தார். அந்த புகாரின் பேரில் மாதவரம் போலீசார் நித்யாவை கைது செய்தனர். இந்நிலையில், காவல் துறையினர் அவரது குழந்தையின் நலனைக் கருதி இனி இது போன்ற சமூக விரோத செயல்களில் ஈடுபடக்கூடாது என்று எச்சரித்து அவரை காவல் நிலைய ஜாமீனில் விடுவித்தனர்.
மேலும், கணவர் பாலாஜி மீது குடிகாரன், ஆத்திரக்காரன் என்று குற்றம் சுமத்தி அவரைப் பிரிந்த நித்யா, தற்போது அவரே ஆத்திரத்தில் கையில் எடுத்த கல், அவரை கிரிமினல் வழக்கில் சிக்கவைத்துள்ளது என பேசப்பட்டு வருகிறார்.
