ராணிப்பேட்டை (ranipet) மாவட்டத்தில் கொரோனா தோற்று பாதிப்பு அதிகரித்து வருவதால் பொது இடங்களில் முகக்கவசம் அணிவது கட்டாயம் என அறிவிக்கப்பட்டுள்ளது.
இந்தியாவில் கடந்த சில வாரங்களாகவே கொரோனா தொற்று பரவல் வேகமெடுத்து வரும் நிலையில், கடந்த 5-ந் தேதி கொரோனா தொற்று பரவல் 4000-த்தை தாண்டியும், 6-ந் தேதி 5000-த்தை தாண்டியும் அதிகரித்தது.
இந்நிலையில், அதிகபட்சமாக நேற்று முன்தினம் 11,109 பேருக்கு கொரோனா தொற்று பாதிப்பை உறுதி செய்யப்பட்ட நிலையில், கடந்த 24 மணி நேரத்தில் 10,093 பேருக்கு கொரோனா தொற்று உறுதி செய்யப்பட்டுள்ளதாக மத்திய சுகாதாரத்துறை தெரிவித்துள்ளது.
இந்நிலையில், கடந்த 24 மணி நேரத்தில் மட்டும் கொரோனா பாதிப்பு காரணமாக 23 பேர் உயிரிழந்துள்ளனர். மேலும், தமிழகத்தில் சென்னை உள்ளிட்ட பல மாவட்டங்களில் கொரோனா பரவல் அதிகரித்துள்ளது. இதன் காரணமாக தமிழ்நாடு சுகாதாரத்துறை கொரோனா பரிசோதனை நடவடிக்கையில் தீவிரமாக இறங்கியுள்ளது.
ஆனாலும், நேற்று தமிழ்நாட்டில் கொரோனா தொற்று பாதிப்பு மீண்டும் 500 என்ற எண்ணிக்கையை தாண்டியுள்ளது.
கடந்த 10 நாட்களுக்கு முன் தினசரி பாதிப்பு 300-க்கும் கீழ் இருந்த நிலையில் தற்போது அந்த எண்ணிக்கை 500-ஐ தாண்டியுள்ள நிலையில், தமிழ்நாட்டில் நேற்றைய தினம் 502 பேருக்கு புதிதாக கொரோனா தொற்று பாதிப்பு உறுதி செய்யப்பட்டுள்ளது.
இதனால், ராணிப்பேட்டை (ranipet) மாவட்டத்தில் பொது இடங்களில் முகக்கவசம் அணிவது கட்டாயம் என மாவட்ட ஆட்சியர் வளர்மதி அறிவித்துள்ளார்.