உலக கோப்பை கிரிக்கெட் தொடரில் இன்று நடைபெறும் லீக் போட்டியில் தென் ஆப்பிரிக்கா – நெதர்லாந்து அணிகள் பலப்பரீட்சை நடத்த உள்ளது .
13-ஆவது உலகக் கோப்பை கிரிக்கெட் தொடர் கடந்த 05ம் தேதி தொடங்கி விறுவிறுப்பாக நடைபெற்று வருகிறது . இம்முறை இந்தியாவில் நடைபெறும் இத்தொடர் கிரிக்கெட் ரசிகர்களுக்கு செம ட்ரீட்டாக அமைந்துள்ளது .
விறுவிறுப்பாக நடைபெற்று வரும் இந்த தொடரில் இன்று நடைபெறும் 15 வது லீக் போட்டியில் தென் ஆப்பிரிக்கா – நெதர்லாந்து அணிகள் ஒன்றுக்கொன்று மல்லுக்கட்ட உள்ளது . தர்மசாலா கிரிக்கெட் மைதானத்தில் இந்த போட்டி இன்று பிற்பகல் 2 மணிக்கு தொடங்குகிறது.
சர்வதேச ஒருநாள் போட்டியில் இவ்விரு அணிகளும் இதுவரை 7 முறை நேருக்கு நேர் மோதி இருக்கின்றன. இதில் 6-ல் தென்ஆப்பிரிக்கா வெற்றி கண்டுள்ளது. ஒரு ஆட்டம் முடிவு இல்லாமல் போனது.
உலகக் கோப்பையில் இந்த இரு அணிகள் மோதிய 3 ஆட்டங்களிலும் தென் ஆப்பிரிக்காவே வென்றுள்ளது.
இந்நிலையில் இன்று நடைபெறும் இந்த போட்டியில் எந்த அணி வெல்லப்போகிறது எந்த அணி தோல்வியை சந்திக்கபோகிறது என்பதை நாம் காத்திருந்து பார்க்கலாம்.
