அஜய் ஞானமுத்து இயக்கத்தில் கடந்த ஆகஸ்ட் 15ஆம் தேதி திரையரங்குகளில் வெளியான டிமாண்டி காலனி 2 திரைப்படம் நல்ல வரவேற்பை பெற்று வரும் நிலையில் தற்போது இப்படத்தின் அதிகாரப்பூர்வ வசூல் விவரம் வெளியாகி உள்ளது .
சுதந்திர தினத்தன்று சியான் விக்ரமின் தங்கலான் படத்துக்கு போட்டியாக ரிலீஸ் ஆன திரைப்படம் டிமாண்டி காலனி 2. கடந்த 2015ம் ஆண்டு இந்த படத்தின் முதல் பாகம் ரிலீஸ் ஆகி மாபெரும் ஹிட் அடித்தது.
முதல் பாகத்தின் வெற்றியைத் தொடர்ந்து அதன் இரண்டாம் பாகத்தை எடுக்க முடிவெடுத்த நிலையில், இப்படத்தை இயக்குனர் அஜய் ஞானமுத்துவின் உதவி இயக்குனர் தான் இயக்குவதாக முதலில் கூறப்பட்டது.
அதன் பின்னர், அஜய் ஞானமுத்து விக்ரமை வைத்து கோப்ரா படத்தை இயக்கினார். ஆனால், அந்த படம் படுதோல்வியை சந்தித்த நிலையில், அதில் இருந்து எப்படியாவது மீண்டு வர வேண்டும் என நினைத்த அஜய் ‘டிமாண்டி காலனி 2’ படத்தை தானே இயக்குவதாக அறிவித்தார்.
Also Read : முன்னாள் ஐ.ஜி. பொன்மாணிக்க வேலுக்கு நிபந்தனை முன்ஜாமின்..!!
இரண்டாம் பாகத்திலும் அருள்நிதி தான் ஹீரோவாக நடித்துள்ளார். பிரியா பவானி சங்கர் முக்கிய கதாபாத்திரத்தில் நடித்துள்ளார். மேலும் இப்பட்டத்தில் பிக்பாஸ் சீசன் 7 டைட்டில் வின்னர் அர்ச்சனா அருள் நிதிக்கு தங்கையாக நடித்துள்ளார்.
சுதந்திர தினத்தன்று திரையரங்குகளில் ரிலீஸ் ஆன தங்கலான் படத்துக்கு போட்டியாக வெளிவந்த இப்படத்துக்கு முதல் நாளில் கம்மியான தியேட்டர்களே கிடைத்த நிலையில் நாட்கள் செல்ல செல்ல தியேட்டர்கள் அதிகரித்தது .
இதுபோல் படத்தின் வசூலும் நாளுக்கு நாள் அதிகரித்து வந்த நிலையில் படமோ சூப்பர் டூப்பர் ஹிட் அடித்தது.
இந்நிலையில் தற்போது இப்படத்தின் அதிகாரப்பூர்வ வசூல் விவரத்தை படக்குழு டக்கரான போஸ்டர் மூலம் அறிவித்துள்ளது. அதன்படி இப்படம் இதுவரை சுமார் 55 கோடி வரை வசூல் செய்துள்ளதாக படக்குழு அறிவித்துள்ளது.
