தலைவரின் ஜெயிலர் படம் இதுவரை செய்துள்ள வசூல் எவ்வளவு தெரியுமா..?

தமிழ் சினிமா ரசிகர்களின் அமோக ஆதரவால் மாபெரும் வெற்றி படமாக உருவெடுத்துள்ள ஜெயிலர் திரைப்படம் இதுவரை செய்துள்ள வசூல் குறித்த விவரம் வெளியாகி உள்ளது.

நெல்சனின் இயக்கத்தில் சூப்பர் ஸ்டார் ரஜினிகாந்தின் மிரட்டலான நடிப்பில் சமீபத்தில் வெளியான திரைப்படம் ஜெயிலர். சன் பிச்சர்ஸ் நிறுவனத்தின் மாபெரும் பொருட்செலவில் இப்படம் பிரம்மாண்டமாக தயாரிக்கப்பட்டது .

ரசிகர்களின் மிகப்பெரிய எதிர்பார்ப்புகளுக்கிடையே கடந்த 10 ஆம் தேதி திரையரங்குகளில் வெளியான இப்படம் வசூல் ரீதியாகவும், விமர்சன ரீதியாகவும் மாபெரும் வெற்றி படமாக உருவெடுத்துள்ளது.

ராக் ஸ்டார் அனிருத்தின் மாஸான இசையமைப்பில் உருவானா இப்படத்தில் ரஜினிகாந்துடன் கவர்ச்சி நாயகி தமன்னா, மோகன் லால், சிவராஜ்குமார் , ரம்யா கிருஷ்ணன், யோகி பாபு ,வசந்த் ரவி , ரெடின் உள்ளிட்ட பல முன்னணி நட்சத்திரங்கள் தங்களது நடிப்பை கட்சிதமாக வெளிப்படுத்தியுள்ளனர் .

ஜெயிலர் படம் வெளியான முதல் நாளில் இருந்தே நல்ல வசூலை ஈட்ட தொடங்கிய நிலையில் இதுவரை இப்படம் உலகளவில் செய்துள்ள வசூல் குறித்த டக்கர் தகவல் வெளியாகியுள்ளது. அதன்படி இதுவரை உலகளவில் ரூ. 590 கோடி வரை வசூல் செய்துள்ளது.

நீண்ட நாட்களுக்கு பின் தலைவரின் கம் பேக் படமாக அமைந்துள்ள இப்படம் இன்னும் ஓரிரு நாட்களில் 600 கோடியை கடந்து மாபெரும் வசூல் சாதனை படைக்கும் என எதிர்பார்க்கப்படுகிறது.