தென் தமிழகத்தில் பெய்து வரும் வரலாறு காணாத பேய் மழையின் காரணமாக 5 மாவட்டங்களில் பொறியியல் தேர்வுகள் ஒத்திவைக்கப்படுவதாக அண்ணா பல்கலைக்கழகம் அறிவித்துள்ளது.
தென் தமிழகத்தில் பெய்து வரும் வரலாறு காணாத பேய் மழையின் காரணமாக ஊருக்குள் வெள்ளம் சூழ்ந்துள்ளது.குடியிருப்பு பகுதிகளிலும் இடப்பு அளவு தண்ணீர் தேங்கி உள்ளதாக பொதுமக்கள் வெளியில் வர முடியாமல் வீட்டுக்குளேயே முடங்கி உள்ளனர்.
இந்நிலையில் தற்போது பெய்து வரும் கனமழை மேலும் தொடரும் என வானிலை ஆய்வு மையம் எச்சரிக்கை விடுத்துள்ளதால் கன்னியாகுமரி, நெல்லை, தூத்துக்குடி, தென்காசி மற்றும் விருதுநகர் மாவட்டங்களில் வரும் 23ம் தேதி வரை நடைபெற இருந்த பொறியியல் மாணவர்களுக்கான தேர்வுகள் ஒத்தி வைக்கப்படுவதாக அண்ணா பல்கலைக்கழகம் அதிகாரப்பூர்வ அறிவிப்பை வெளியிட்டுள்ளது.
அண்ணா பல்கலைக்கழகத்தின் தொலைதூரக் கல்வி இயக்கத்தின் நாகர்கோவில் மையத்தில் பதிவு செய்திருந்த மாணவர்களுக்கான செமஸ்டர் தேர்வுகளும் தள்ளிவைக்கப்படுவதாகவும் மறு தேர்வுக்கான தேர்வு அட்டவணை பின்னர் வெளியிடப்படும் என்றும் தெரிவிக்கப்பட்டுள்ளது.
