பிரபல பாலிவுட் நடிகை மலைகா அரோராவின் தந்தை அனில் அரோரா தற்கொலை செய்துகொண்டுள்ளதாக தகவல் வெளியாகி உள்ளது.
பாலிவுட் திரையுலகில் பிரபல நடிகையாக வலம் வருபவர் மலைகா அரோரா. பல முன்னணி நடிகர்களின் சூப்பர் ஹிட் படங்களில் ஒரு பாடலுக்கு நடனமாடி ரசிகர்கள் மத்தியில் பிரபலமான இவர் மணிரத்னம் இயக்கிய உயிரே படத்தில் ‘தைய்ய தைய்யா’ பாடலில் நடனமாடி தமிழ் சினிமா ரசிகர்கள் மத்தியிலும் பிரபலமானார்.
Also Read : ரயில் பயணிகளுக்கு சர்ப்ரைஸ் கொடுத்த தெற்கு ரயில்வே – என்ன மேட்டர் தெரியுமா..?
இந்நிலையில் நடிகை மலைகா அரோராவின் தந்தை அனில் அரோரா தற்கொலை செய்துகொண்டுள்ளதாக தகவல் வெளியாகி உள்ளது. மும்பையில் தான் வசிக்கும் குடியிருப்பு கட்டடத்தின் 6வது மாடியில் இருந்து குதித்து தற்கொலை செய்துகொண்டுள்ளார்.
மலைகாவின் தந்தை நீண்ட நாட்களாக உடல்நிலை சரியில்லாமல் இருந்ததாக தகவல் வெளியாகி உள்ள நிலையில் தற்கொலைக்கான காரணம் குறித்து போலீசார் தீவிர விசாரணை நடத்தி வருகின்றனர்.
இதுமட்டுமின்றி இந்த சம்பவம் நடந்த போது மலைகா அரோரா வீட்டில் இல்லை என்றும் அவர் புனேவில் இருந்ததாகவும் பாலிவுட் வட்டாரங்கள் தகவல் தெரிவிக்கின்றன.
